Sendîkaya Rojnamevaniyê ya Başûrê Kurdistanê ragihand ku ji serê salê ve 22 binpêkirin li dijî 62 rojnamavanan pêk hatine.
Lijneya Parastinê ya Rojmamevanan a Sendîkaya Rojnamevanan ya Başûrê Kurdistanê, îro li bajarê Hewlêrê rapora binpêkirinên li hemberî Rojnamavanan yên di nava 6 mehên sala 2022’an de pêkhatine, weşand.
Rapor ji aliyê sekreterê Lijneya Parastinê ya Sendîkaya Rojnamevanan Dr. Newzad Hesen ve hate xwendin.
Di raporê de wiha hate gotin: “Ji serê salê ve gelek caran kel û pelên rojnamevanan hatin şikandin, dîmen û fotoyên wan hatin jêbirin.
Bi giştî 22 binpêkirin hemberî 62 rojnamevan pêk hat.”
Li gorî raporê, hate diyarkirin ku herî zêde binpêkirina hemberî rojnamevanan li bajarê Hewlêrê pêkhatiye.
https://youtu.be/i0gR4wnv7iE
