Siyasetmedarên li herêmê Ferîd Etê, Hemdan El-Ebid, Hesen Koçer û Talet Yûnis têkildarî rewşa awarte ku Rêvebriya Xweser li dijî gf û êrişên dagirkeriya Tirk ragihndibû bang li gelê herêmê kir ku xwe ji şer re amade bikin û tevlî seferberiyê bibin.
Siyasetmdaran tekez kir ji derveyî hêza wan ew ê xwe nespêrin tu aliyên din û bi her awayî li kêleka hêzên parastinê li ber xwe bidin.
Li dijî êriş û gefên dewleta Tirk ên rojane, duh Rêveberiya Xweser li herêmê reşwa awarte ragihand.
Hevserokê Meclisa Giştî ya Rêveberiya Xweser a Bakur û Rojhilatê Sûriyê Ferîd Etê der barê mijarê de tevlî bernameya Bûyer a televîzyona me bû û nirxandin kir.
Ferîd Etê anî ziman “Ev rewşa awarte tê wateya ku tevahî komîn, meclisên herêmê bi gund, bajar û taxên xwe û saziyên Rêveberiyê xwe ve li gorî şer xwe amade bikin û hemû derfetên xwe ji bo parastinê bikar bînin.”
Ferîd Etê: Ji derveyî hêza gel wê ti hêz me neparêze
Ferîd Etê bang li gelê herêmê kir û wiha got:
“Divê gel amadekariya xwe ya şerekî mezin bike û tedbîrên xwe di her alî de bigire.
Divê pişta xwe nede tu hêzên derve û li gel hêzên parastinê berxwedanê bikin.”
Hemdan El-Ebid: Divê em xwe nespêrin civata navnetewyî
Cîgirê Hevserokatiya Meclisa Rêveber a Rêveberiya Xweser, Hemdan El-Ebid jî li ser mijarê axivî.
Hemdan El Ebid da zanîn ku dagirkeriya Tirk dixwaze Sûrî parçe bike, deverên nû ji xaka Sûriyê dagir bike û rê li ber zindîbûna DAIŞ’ê veke.
El-Ebid tekez kir ew ê li dijî êrişan xwe nespêrin hêzên navneteweyî û bi hêza gelên herêmê wê van êrişan têk bibin.
Hesen Koçer: Divê her kes ji bo şer amade be
Cîgirê heverokatiya Meclisa Rêveber a Rêveberiya Xweser Hesen Koçer jî diyar kir eger şer çêbibe divê bi rêbazê parastina cewherî bersiv were dayîn.
Hesen Koçer piştrast kir ku Rêveberiya Xweser bi rêyên dîplomasî û siyasî hewl dide rê li ber rûdana şer bigire, lê eger şer rû bide divê li gorî şer amadekarî bên kirin.
Hesen Koçer: Divê gel li pişta hêzên xwe yên leşkerî be
Cîgirê heverokatiya Meclisa Rêveber Hesen Koçer behsa girîngiya rola gel di bersivdayîna dagireriyê de jî kir û got;
“Gel dikare encama şer diyar bike.
Divê em bibin yek û destekê bidin hêzên xwe û bersiva êrişê bidin.”
Telet Yûnis: Ger gel bi hêzên leşkerî re bibe yek wê serkeftin misoger bibe
“Rêveberiya Xweser bi hemû derfetên xwe li dijî êrişan amade ye, û divê gel jî amade be û li gel hêzên parastinê li ber xwe bide.
Heverokê Meclisa Rêveber a Herêma Cizîrê Telet Yûnis bang li gelê herêmê kir ji bo şer serferber bibin, her wiha tekez kir bi yekbûyîna gel bi hêzên parastinê re wê serkeftin misoger bibe.