Rêjeya mezinbûna nifûsa mirovan a li cîhanê lewaz dibe.
Li gorî daneyên Neteweyên Yekbûyî, rêjeya mezinbûna nifûsa cîhanê ji sala 1950’î ve cara yekeme daket ji sedî 1’ê.
Temenê jiyanê jî ji ber bandora pandemiya covid-19 kêm bûye.
Zêdebûna nifûsa cîhanê ji sala 1950’an ve ku Neteweyên Yekbûyî (NY) li vê qadê dest bi xebatên qeydkirinê kir, cara yekem di bin ji sedî 1’ê de maye.
Di daxuyaniya Weqfa Nifûsa Cîhanê ya Almanyayê (DSW) ya bi boneya 11’ê Tîrmehê Roja Nifûsê ya Cîhanê de hat dayîn, hat diyarkirin ku niha li ser asta cîhanê mezinbûna nifûsê ji sedî 0,8 e.
Li gorî daxuyaniya ku tê ragihandin ji Tîrmeha 2022’an de nifûsa cîhanê bi qasî 7 milyar û 977 mîlyonî ye, tê pêşbînîkirin ku ji 15’ê Mijdara îsal sînorê 8 milyar derbas bike.
Rêvebira DSW Angela Bähr tekez kir ku rêjeya jidayikbûnê hîn jî bilind e, bi taybetî li nîvgroveriya başûr.
Li van herêman “Gelek keç û jin hêj bêtir zarokan tînin.”
Angela Bähr got,
Jinek bi taybetî li başûrê Çola Sahrayê a navgîniya Afrîkayê 4,6 zarokan tîne dinyayê.
Ev dane her çiqasî li gorî dema berê kêm jî be, lê weke jimar dîsan zêde ye.
Rêvebira DSW destnîşan kir ku di warê plansaziya malbatê de jîngehek ji jinan re da ku biryarên xwe bidin û bi cih bînin.
Bähr got,
Ev ne tenê mijarek mafên mirovan e.
Di heman demê de yek ji mifteyên têkoşîna li dijî xizaniyê ye.
Ji ber vê yekê min ji hukûmeta Alman re got, “perwerdehiya zayendî û gihandina amûrên pêşîlêgirtinê hêmanên bingehîn ên polîtîkaya pêşveçûna femînîst in.”
Di daxuyaniya DSW ya li ser nifûsa cîhanê de, daneyên li ser bendewariya jiyanê ya navîn li cîhanê jî hatin parve kirin.
Li gorî vê, temenê navînî yê mirovan ku di sala 2019’an de 72,8 bû, di sala 2021’an de daket 71’an.
Hat diyarkirin ku sedema vê vîrûsa Covid-19 ye.
Li gorî jimareyên li ser daneyên NY yên DSW, nifûsa cîhanê her sal 66 mîlyon zêde dibe.
Bi gotineke din, di her saniyeyekê de bi giştî 2,1 pitik tên dinyayê.
