Başaga di nava rojên pêş de diçe Trablus ê

Fethî Başaga yê ji aliyê Meclisa Nûneran a Lîbyayê ve weke serokwezîr hat tayînkirin ragihand ku ew ê di rojên pêş de li paytext Trablusê dest bi wezîfeya xwe bikin.
Li aliyê din ji Dîbebye yê dest ji kursiyê serokwezîrtiyê bernade jî heta niha li hemberî vê daxuyaniyê bêdeng e.

Li Lîbya careke din asoyên bi şer xuya dike.

Fethî Başaga di hevpeyvîna ku doh AFP’ê weşandî de diyar kir ku ji bo rê li ber rijandina xwînê bigire ji paytext Trablusê vekişiyaye lê dev ji wezîfeya xwe ya li paytextê bernedaye.

Başaga yê li navenda hikûmetê li Sîrte ya 450 kîlometre li rojhilatê Trablûsê dure jî got:

“Me hin deng û bangên erênî wergirtin ku em bikevin paytextê,”

Başaga, bi awayekî nepenî, anî ziman ku hin pêkhateyên hêzên çekdar helwest û nêrîna xwe guhertine û ti astengî li pêşiya wî nemaye ku derbasî Trablusê bibe.

Başaga hêzên bi pêşengiya Ebdûlhamîd Dîbeybe li paytextê ne, weke “çeteya saziyan dagir kiriye” nirxand û ev tişt anî ziman.

“Hikûmeta Trablusê ne rewa ye.

Dema wezîfeya wî qediya ye.

Nekarî hilbijartinan organîze bike.”

Fethî Başaga li wê yekê jî mikur hat ku dibe rewşa li welat aloztir bibe û wiha domand:

“Me karî xwe ji pevçûneke leşkerî dûr bixin.

Lê Lîbya nikare heta hetayê wiha bimîne.

Pêdiviya me bi çareseriyê heye.”

Hikûmeta Dibeybe ya ku dest ji desthilatdariyê berneda li hemberî daxuyaniyên Başaga bêdeng dimîne.

Çavdêr van daxuyaniyên mijara gotinê weke beşek ji şerê psîkolojîk û medyayî yê di navbera her du hikûmetên li welat de dinirxînin, ku li ser meşrûiyetê nakokî hene.

Komisyona Bilind a Hilbijartinan a Lîbyayê di daxuyaniya xwe ya bi boneya Cejna Qurbanê de, îradeya xwe ya bênavber û xebata xwe ya fedakar ji bo bidestxistina armancên neteweyî yên ku Libyayan ji bo avakirina dewleteke ewle dixwazin, dubare kir.

Back to top button