Bi dewamkirina gef û êrîşên dewleta Tirk a dagirker li ser bakur û rojhilatê Sûriyê re, tevgera şaneyên veşartî yên DAIŞ’ê li herêmê zêde bûne. QSD’ê raghand ku li Hesekê, Hol, Til Hemîs, Til Birak û Dêrikê, dest bi pêngava tunekirina şaneyên DAIŞ’ê kirine û eşkere kir ku di encama operasyonê de, 12 çete tevî gelek çek, cebilxane û belge, hatine girtin. QSD’ê eşkerek kir çeteyên DAIŞ’ê hewl didin sûdê ji gefên dewleta Tirk a dagirker ên li dijî Bakur û Rojhilatê Sûriyê bigirin û xwe ji nûve bi rêxistin bikin.
Navenda Ragihandinê ya Hêzên Sûriya Demokratîk (QSD) bi daxuyaniyekê eşkere kir ku hêzên wan bi beşdariya Hêzên Ewlekariya Hundirîn dest bi pêngava têkbirina şaneyên çeteyên DAIŞ’ê kirine.
Di daxuyaniya QSD’ê de wiha hate gotin:
“Di dema borî de, bi taybet piştî dewleta Tirk a dagirker gef li dijî herêmên Bakur û Rojhilatê Sûriyê xwarin, amadekariyên şaneyên veşartî yên DAIŞ’ê ên pêkanîna êrişên li dijî herêmê zêde bûn.
Gelek şane ji herêmên ku dewleta Tirk dagir kirine hatin û dest bi êrişên terorî kirin.
Armancên wan êrişan, planên li dijî welatiyên li herêmê bûn.
Her wiha ji hedefên wan êrişeke berfireh û xeternak pêk bînin, jinên DAIŞ’ê ji kampa Holê birevînin û wan bigihînin herêmên dagirkirî.”
QSD’ê eşkere kir ji bo têkbirina wan şaneyan hêzên wan bi beşdariya Hêzên Ewlekariya Hundirîn li Hesekê, Hol, Til Hemîs, Til Birak û Dêrikê dest bi operasyona tunekirina wan şaneyan kirin.
Li gorî daxuyaniya QSD’ê di encama operasyonê de;
12 terorîst hatin girtin.
4 çekên (47-AK), rexteke leşkerî, 19 jarjorên çekan û 300 gule
2 dabance, 2 jarjor û 20 gule
4 bombe
mayînek, amûreke teqandina mayînan ji dûr ve
18 telefon
10 nasname
6 pasaport
hatin desteserkirin.
QSD’ê: DAIŞ hewl dide sûdê ji êrişên dewleta Tirk bigire û xwe bi rêxistin bike
Navenda Ragihandinê a QSD’ê diyar kir rêxistina DAIŞ’ê ya terorîst hewl dide sûdê ji gefên dewleta Tirk a dagirker ên li dijî Bakur û Rojhilatê Sûriyê wergire, da ku xwe ji nû ve bi rêxistin bike, bi wê re jî ewlehî û aramiya gelên herêmê dixe xeteriyeke mezin û wiha bi dawî kir;
“Ew şane ji herêmên ku dewleta Tirk dagir kirine tên birêvebirin û şandin.
Tevî ku dewleta Tirk a dagirker her tim li hincetên cuda digere ku êrişên xwe li ser Bakur û Rojhilatê Sûriyê rewa bike, lê di rastiyê de hewl dide ji nû ve rêxistina DAIŞ’ê ya terorîst vejîne, ku careke din li herêmê belav bibe.
Lê divê civata navneteweyî bi nêrîneke rasteqîn li vê yekê binêre û helwestên tund nîşan bide.”
