Malên Jinan ên li Herêmên Bakur û Rojhilatê Sûriyê stûna jinên tevahî pêkhateyan e.
Rêveberî û Endamên Malên Jinan ên li Herêmên Bakur û Rojhilatê Sûriyê der barê avakirin, rol, erk û xebatên ku Mala Jinan didin meşandin de axivîn û gotin: “Mala Jinan cihê çareserkirin û xwedîderektina li jinan e.”
Wekî tê zanîn ku neheqî û zordarî tu car bi ser nakeve, mînaka herî mezin jî Şoreşa Rojavayê Kurdistanê ku jinan tê de mohra xwe li dîrokê daye ye.
Bi vê yekê gelek navend û saziyên ku di nava civakê de dibe piştek ji jinan re û pirsgirêkên wan ên civakî û malbatî çareser dike û xwedî li mafên wan derkeve hatin avakirin.
Li ser vî esasî, Mala Jinan li Rojavayê Kurdistanê hat avakirin û şaxên xwe li tevahî Herêmên Bakur û Rojhialtê Sûriyê belav kir.
Endam û Rêveberên Mala Jinan a Herêmên Bakur û Rojhilatê Sûriyê derbarê mijarê de nerînên xwe anîn ziman.
Rêvebera Mala Jinan a Taxa Şêx Meqsûd a bajarê Helebê Perîşan Reşîd da zanîn ku armanca vekirina Mala Jinan ne tenê ji bo çareserkirina pirsgirêkan e, di heman wextî de jinan ji hemû hêlan ve perwerde kirine.
Rêvebera Mala Jinan a bajarê Minbicê Îman Hemşo jî destnîşan kir ku Mala Jin a Minbicê di destpêka rizgarkirina Minbicê de di sala 2016’an de hat avakirin û wiha anî ziman:
Mala Jinan saziyeke civakî ye û her kes dikare berê xwe bidê.
Li Minbicê di nava salek de nêzî 1755 pirsgirêk hatin çareserkirin.
Berdevka Ofîsa Komîteya Edaleta Civakî ya Nivîsgeha Kombûyîna Zenobiya ya Jinên Reqa û Gundewarên wê Zehra Şilaş jî dibêje:
Armanca vekirina vê nivîsgehê ew e ku em bikaribin pirsgirêkên hevjîn û bi taybet malbatan çareser dikin.
Endama Mala Jin a Kantona Şehbayê Silava da zanîn ku Mala Jinan a Şehbayê dikaribû hişmendiya bavksalar bide guhertin û jinan li xwe bihewîne.
Rêveberiya Mala Jin a bajarê Tebqa Recae Ebid El- Rehîm diyar kir ku Mala Jin a Tebqayê bûye mîna malzarokekê ku hemû jinan dihewîne û xwedî li wan derdikeve û got:
Parastina mafên jinan ne şaş e û dê sîstema Rêveberiya Xweser pêşeroja me ronî bike.
Rêveberiya Mala Jinan a Herêma Firatê Şaha Elî teqez kir ku mala li herêma Firatê ji jinan re bû bingeha bawerî û hêzê.
