Hêzên Sûriya Demokratîk QSD’ê li dijî ajan û sîxûran ragihand ku wan operasyona ‘SOND’ê’ dane despêkirin.
QSD’ê diyar kir ku di encama vê operasyonê de wan ji 9 bajaran 36 sîxûrên ku destê wan di şahadeta fermadar, şervan û welatparêzan de hene girtine.
QSD’ê teqez kir ku her kesên ku destên wan di dixwîna hevalên wan de hene wê bên cezakirin.
Dewleta Tirk a dagirker bi rêka sîxûr û ajanan dixwaze pergala Rêveberiya Xweser ji holê rake û zemîn û şertên dagikeriyê ava bike.
Bi destê ajanên MÎT’a Tirk gelek pêşeng û welatiyên Bakur û Rojhilatê Sûrî hate şehîdxistin.
Fermandariya Giştî ya QSD’ê bi daxuyaniyekê ragihand ku wan ev demeke bi awayekî veşartî li dijî sûxûran operasyoneke bi navê “Operasyona Sond ê’ dabûn destpêkirin.
QSD’ê dazanîn ku weke destpêk di encama vê operasyonê de ji bajarên Qamişlo, Til Temir, Hesekê, Şeddadê, Dêrazor, Reqa, Minbic, û Kobanê 36 ajanên MÎT’ê girtine, lêpirsîna hin kesan jî bi dawî bûye ya hin kesan jî didome.
QSD: Ên van sîxuran bi rê ve dibin, li herêmên di bin dagirkeriya dewleta Tirk de ne
QSD’ê dazanîn ku ev sîxurên ku hatine girtin û lêpirsîna wan bi dawî bûye, sewqî saziyên edaletê hatine kirin û di berdewamiya daxuyaniya xwe de ev agahî da:
“Kesên ku van sîxura tanzîm kirine piraniya wan li herêmên dagirkirî weke Serêkaniyê, Efrîn, Cerablûs, Bab, Ezaz û hinek ji wan jî bajarên weke Mêrdîn, Riha û Dîlokê dimînin.
QSD: Van sîxuran gelek hevalên me yên hêja şehîd xistine
Di vê pêvajoya operasyona Sondê de hinek ji van kesên ku şebeka sîxurtiyê rêxistin dikin û bi rêve dibin, hatin ceza kirin.
Ev sîxurên ku hatine girtin bûne sedema şahadeta Rênas Roj, Sosin Bîrhat û Egîd Girkê Legê, Dilar Heleb û 2 hevalên wê, sedema şehadeta heval Hecî û di dîrokên cuda de bûye sedema şehadeta 11 şervanên QSD’ê.”
Çi kesê destên wan di xwîna hevalên me de hebe, wê were cezakirin
QSD’ê diyar kir ku çi kesê ku destên wan di xwîna hevrêyên wan de hebe wê werin cezakirin û wan soz daye şehîdên xwe ku kêngî ku derê dibe bila bibe wê hesab were xwestin.
Di dawî de QSD’ê li dijî sîxûr û ajanan ev bang li gelê herêmê kir:
Divê gelê me li hember şerê taybet ê dewleta Tirk şiyar be, li dijî sîxûr û ajanan bi erka xwe ya welatparêziyê rabin.
Bi hêza gel û QSD, em ê planên dewleta Tirk ên li dijî aramiya herêmê têk bibin
Bila gelê me heya dawiyê bi QSD bawer be û alîkar be.
Bi hêza gel û QSD’ê emê bikaribin hewldanên dijmin ên dagirkerî û avakirina bê aramiyê vala derxînin, û herêma xwe bi awayekî xurt biparêzin.
