Sekreterê Giştî yê NY Guterres, şîrketên neft û gazê bi “çavbirçîbûneke bêwate” tawanbar kir.
Guterres xwest ku ji van şirketan bac bê girtin û ji bo kesên mexdur jî wre bikaranîn.
Di demekê ku li cîhanê bihayê neft û gazê pir zêde bûye de, şirketên bi van karan radibin jî aboriyeke zêde qezenc kirine.
Sekreterê Giştî yê Neteweyên Yekbûyî (NY) Antonio Guterres, şîrketên neft û gazê bi “çavbirçîbûneke bêwate” tawanbar kir.
Antonio Guterres got, “bêexlaqî” ye ku şirketên herî mezin ên enerjiyê di çaryeka despêka salê de bi tevahî nêzî 100 mîlyar dolarî qezenc bikin.
Guterres: Divê bac ji van şirketên neft û gazê bên standin û bo kesên hejar were dayîn
Guterres ku dixwaze hemu hukûmet ji van dahatên zêde bac bidin, bang kir ku fonên van bacan ji bo parastina mirovên mexdûr di demên dijwar de werin bikar anîn.
Sekreterê Giştî yê NY, bang li mirovên li çaraliyê cîhanê kir ku ji nûnerên pîşesaziya sotemeniya fosîlê re peyaman bişînin û got:
“Çalakiya bêaqil tekane xaniyê me (cîhanê) wêran dike û yên herî xizan û herî mexdûr ceza dike.”
Antonio Guterres di civîna çapemeniyê ya ku ji bo danasîna rapora ji aliyê Koma Bersiva Krîzê ya Cîhanê ve hatiye amadekirin de axivî.
Guterres ji bo têkoşîna li hemberî krîzên bi hev ve girêdayî yên wekî xwarin, enerjî û darayî ava kiriye, bi tundî rexne li nûnerên pîşesaziya gaza xwezayî û petrolê kir.
Koma Bersiva Krîzê ya Cîhanî ku berê raporên li ser pirsgirêkên di sektora xurek û darayî de weşandibû, di lêkolîna xwe ya herî dawî de derbarê pirsgirêkên di sektora enerjiyê de derketine jî tespîtên girîng kirin.
Guterres destnîşan kir ku bi saya xebatên vê komê ji bo derbaskirina pirsgirêka xurekan a cîhanê gavên girîng hatin avêtin.
Pêşniyarên din ên sereke yên Koma Bersiva Krîzê ya Gerdûnî welatên pêşkeftî yên dewlemend bi taybetî ji bo xerckirina enerjiyê, pêşvebirina veguhastina giştî û çareseriyên xwezayê vedihewîne.
Rapora komê her weha zêdekirina fonên taybet û piralî ji bo “veguherîna enerjiya kesk” pêşniyar dike.
Rapor piştgiriyek xurt dide armanca Ajansa Enerjiyê ya Navneteweyî ya kêmkirina emîsyonên gazên serayê ji bo “sifirê” heya sala 2050’an.
