Aloziya Taywanê, careke din Çîn rakiriye li ser lingan.
Serdana Seroka Meclisa Nuneran a Amerîka Pelosi bo grava Taywanê, rêveberiya Çînê bihêrs kiriye.
Çînê tetbîqatên li derdora gravê berfihre kiriye.
Welatên G7 banga kêmkirina dexta li herêmê kirin.
Çîn piştî serdana Seroka Meclisa Nûneran a Amerîkayê Nancy Pelosi bo Taywanê dest bi tetbîqatên leşkerî li derya û asîmanên derdora giravê kir.
Li gorî koordînatên ku ji aliyê artêşa Çînê ve hatine ragihandin, tetbîqat li hinek cihan 20 kîlometreyan yên li nêzî peravên Taywanê wê pêk werin.
Di nûçeyeke ajansa Reutersê de hate ragihandin ku keştiyên Çînî sînorên deryayî yên nefermî yên di navbera Taywan û Çînê bo demeke kurt binpê kir.
Taywanê ji bo şopandina çalakiyên hêzên hewayî yên Çînê yên li nêzî sînor sîstemên mûşekî li herêmê bi cih kiriye.
Keştiyên hêzên deryayî yên Taywanê ji bo şopandina keştiyên Çînê li herêmê hatin bicihkirin.
Wezareta Parastinê ya Taywanê îdia kir ku tetbîqat tê wateya dorpêçkirina ji hewa û deryayê ya li derdora giravê û ji ber vê yekê peymanên Neteweyên Yekbûyî binpê kirine.
Wezaretê diyar kir ku ew tetbîqatan ji nêz ve dişopînin û ji bo rewşeke aloz ya muhtemel amade ne.
Wezareta Karê Derve ya Taywanê jî ji civaka navneteweyî xwest ku bang li Çînê bike ku dawî li tetbîqatê bîne.
Ev tetbîqatên leşkerî yên herî berfereh ji aliyê Çînê ve li avên derdora Taywanê, wek bersivdana serdana Seroka Meclisa Nûneran a Amerîkayê Nancy Pelosi tên lidarxistin.
Çîn serdana Pelosi, weke binpêkirina serxwebûna xwe şîrove kir.
Ji ber ku Çîn, Taywanê weke parçeyeke ji xaka xwe dibîne.
Rêveberiya Pekînê beriya serdanê Waşîngton hişyar kiribû ku ew ê berdêlên vê yên diyar hebin.
Balafirên Taywanê jî bi armanca ewlekariyê li asîmanan bûn.
Hemwextî vê, Taywan îdia dike ku heta niha 27 balafirên şer yên Çînê sînorê welatê wan derbas kirine.
Welatên G7: Pêngavên Çînê xeteriya bêîstiqrariyê li herêmê pêk tîne
Wezîrên Karê Derve yên welatên G7 (Kanada, Fransa, Almanya, Îtalya, Japonya, Îngiltere û DYA) daxuyaniyeke hevpar dan û diyar kirin ku pêngavên Çînê xeteriya bêîstiqrariyê li herêmê pêk tîne.
Wezîrê Karên Derve yê Çînê Wang Yî, DYA sûcdar kir û got,
“Di bin navê demokrasiyê de serweriya Çînê binpê dike.
Yên ku bi agir dilîzin, dawiya wan baş nayê, yên Çînê aciz dikin jî dê bên cezakirin.”
Beriya serdana Pelosi rêveberên partiya wê ya demokrat jî li dijî çûyîna wê ya bo Taywanê bûn.
Di vê navberê de, piştî Taywanê Pelosi li Koreya Başûr e.
