Zelensky: Li Îzyumê gorên komî hatine dîtin

Di şerê li Ukraynayê de Rûsya di nava zehmetiyê de dimîne. Ji bajarên paşde dikişe jî wêraniyek zêde xuya dike. Serokomarê Ukraynayê Zelensky ragihand ku li bajarê Îzyum ku ji bin kontrola hêzên Rûsya hatiye derxistin goreke komî hat dîtin. Li gorî lêpirsînê di gorê de nêzî 440 cenaze hatine dîtin.

Serokê Ukraynayê Volodymyr Zelenskiy ragihand ku li bajarê Îzyumê ku ji bin kontrola hêzên Rûsyayê hatiye derxistin goreke komî hatiye dîtin.

Zelensky ku di derbarê hejmara cesedên ku hatine dîtin û sedemên mirinê de agahî neda û wiha got:

“Lêpirsîn hatiye destpêkirin û encamên despêkê îro wê diyar bibe.

Em dixwazin hemû cîhan dagirkeriya Rûsya çi bi xwere aniye bizanibe.”

Serokê Daîreya Serokomariyê Andriy Yermak li ser hesabê xwe yê medyaya civakî wêneyê goristana bi xaçên darîn parve kir û diyar kir ku wê hemû cenaze bên rakirin û ji bo lêkolîna edlî bên şandin.

Yermak Rûsya bi komkujî û terorê tawanbar kir.

Şefê polîsên herêmê Sergey Botvînov ji kanala televîzyonê ya Sky News re axivî û got;

Li goristanê nêzî 440 cenaze hene.

Hinek ji wan bi guleyan birîndar bûne û hinek jî di encama bombebaranê de mirine.

Serokomar Zelensky rewşa Îzyumê bi qetlîamên Bucha û Mariupolê re dan ber hev û ev tişt anî ziman:

Rûsyayê li her derê mirin li pey xwe hişt û divê cîhan ji ber vî şerî hesab ji Moskowayê bipirse.

Seroka Komisyona ye: Dibe ku Putin li ICC were darizandin

Seroka Komîsyona Yekîtiya Ewropayê Ursula von der Leyen ku duh li Kîevê bi Zelenskiy re hevdîtin kir, diyar kir ku bê guman sûcên şer ên herî giran li Ukraynayê hatine kirin.

von der Leyen da zanîn ku ew îhtîmala di paşerojê de, Serokê Rûsyayê Vladimir Putin li Dadgeha Cezayê ya Navneteweyî (ICC) were darizandin dibîne.

Von der Leyen bang li welatên Ewropayê kir ku alîkariyên xwe yên leşkerî yên ji bo Ukraynayê zêde bikin û wiha got: “Eger dibêjin pêwîstiya me bi tankan heye, divê em vê yekê ciddî bigirin û bişînin.

Ukrayniyan îspat kirin ku dema wesayîtên leşkerî yên rast hebin dikarin xwe biparêzin.”

Back to top button