Hikmet Hebîb: Divê Şam ji dewsa nêzikbûna bi dewleta Tirk re xaka dagirkirî rizgar bike

Hevserokê Meclisa Qanûnsaz a Rêveberiya Xweser a Demokratîk a Herêma Cizîrê Hikmet Hebîb, diyar kir kir divê hikumeta Sûriyê ku qala niştimaniyê dike dewsa bi dewleta tirk re hevdîtinan bike bila ji bo herêmên dagirkirî seferberiyê ragihîne.
Hikmet Hebîb bang li hikumeta Şamê kir ku li ji bo çareseriyê bi Rêveberiya xweser re diyalogan pêş bixe.

Dewleta Tirk hewl dide têkiliyan bi hikumeta Şamê re dayne da ku bikaribe pergala Rêveberiya Xweser ji holê rabike.

Têkildarî mijarê, Hevserokê Meclisa Qanûnsaz a Rêveberiya Xweser a Demokratîk a Herêma Cizîrê Hikmet Hebîb ji ajansa hawarê re axivî.

Hikmet Hebîb diyar kir di demê dawî de di navbera hikûmeta şamû û dewleta Tirk de li dijê pekhateyên herêmê hewildanên lihevhatinê pêş dikeve.

Hebîb got:

“Ev hevdîtin bi awayekî eşkere derketin holê ku dê jinûve têkilî di navbera her du aliyan de vegerin.

Ev yek dikeve xizmetî berjewendiya rejîmên navendî yên ku li hev kom dibin û desthilat wan li hev kom dike.

Da ku yekser şerê projeya Rêveberiya Xweser bikin.”

Hebîb destnîşan kir ku nêzîkbûna sûriyê û tirkiyê dê welat bixe nava nakokiyên nû; loma ew wek Rêveberiya Xweser a Bakur û Rojhilatê Sûriyê van nêzîkbûnan red dikin.

Di dewamê de Hikmet Hebîb Peyman Edeneyê ya di navbera hikumeta Şamê û Tirkiyê de ku di 1998’an de hatibû îmzekirin bi bîr xist.

Hebîb anî ziman dewleta Tirk vê peymanê wek hincet û belge ji bo dagirkirina herêmên Sûriyê dagir bike bi kar tîne û ev tişt got:

“Hikumeta Şamê li gel ku li ser parastina serweriya Sûriyê diaxive, dikare vê peymanê ku demek di ser îmzekirina wê bi dewleta Tirk re çûye betal bike.

Dewleta Tirk ji destpêka krîza Sûriyê ve sînorên xwe li pêş terorîstan vekirin û desteka rêxistinên terorîst kir, nemaze DAIŞ’ê ku ewlehî û îstîqra li Sûriyê tev li hev kir.

Her wiha ji 2016’an ve gelek caran serdestiya xaka Sûriyê bin pê kir û dagir kir.”

Hîkmet hebîb bi lêv kir hikumeta Şamê li hember parastina sînorê welêt bê deng e û ev daxwaz kir:

“Diviyabû hikumeta Sûriyê ku qala niştimaniyê dike serferberiya giştî ji bo rizgarkirina herêmên dagirkirî ragihîne.”

Têkildarî tawanên hikumeta Şamê li dijî projeya li Bakur û Rojhilatê Sûriyê jî hikmet hebîb axivî û diyar kir tawanên rejîme ne rast in û ev proje projeyeke nîştimanî ya rasteqîn e.

Di dawî de, Hevserokê Meclisa Qanûnsaz a Rêveberiya Xweser a Demokratîk a Herêma Cizîrê bang li hikumeta Şamê kir ku li ji bo çareseriyê bi Rêveberiya xweser re diyalogan pêş bixe.

Back to top button