Fermandarê Biryargeha Navenda Parastina Gel (NPG) Mûrat Karayilan ji gerîlayên li Zap, Avaşîn û Metînayê ku li dijî êrişên dagirkeriya Tirk li ber xwe didin re axivî. Karayilan bal kişande li ser berxwedana ku zêdeyî 5 meh in dewam dike û diyar kir serketinên mezin hatine bi dest xistin.
Fermandarê Biryargeha Navenda Parastina Gel (NPG) Mûrat Karayilan ji gerîlayên li Zap, Avaşîn û Metînayê re axivî û şerê li hemberî dagirkeriya Tirk nirxand.
Mûrat Karayilan diyar kir li hember êrîşa dijmin berxwedana pîroz 160 rojên xwe temam kir û got:
Di dîroka têkoşîna me û dîroka berxwedana Apogeriyê de peleke nû hat vekirin, dîrokek nû hat avakirin.
Ev bi xwîn û berxwedana şehîdên qehreman pêk hatiye.”
Karayilan bal kişande li ser hedefên dewleta tirk û da zanîn dewleta tirk armanca xwe ya dagirkeriyê wekî du qonaxan plan kiriye û wiha got:
“PDK jî beşdarî vê planê ye û dixwazin wisa pêk bê.
Hinek hêzên navdewletî jî li pişt vê planê ne û ev plan erê kirine.”
Mûrat Karayilan: Dewleta Tirk dixwaze cihên dagirkirine bigihîne hev
Karayilan da zanîn dewleta tirk a ku hewl dide xeyalên Mîsak-i Mîllî pêk bîne dixwaze cihên dagirikirine bigihîjîne hev û wiha dewam kir:
“Ji bo vê jî, hedefa xwe ya herî stratejîk Zap û Garê dagir kirin e.
Ev jî di sala 2021, di meha Sibatê de, bi êrîşa li ser Garê destpê kir.
Lê belê hemû kes dizane ku dijmin di vê de bi ser neket.
Ji ber ku, taktîk rêbazeke nû derket pêşiya dijmin. ”
Der barê bikaranîna çekên kîmyewî û bombeyên nukleerî yên ji aliyê dewleta Tirk ve jî Karayilan diyar kir dewleta Tirk bombeyên nukleer a NATO’yê li dijî gerîla bi kar tîne.
Mûrat Karayilan: Li dijî duyemîn artêşa herî mezin a NATO’yê hêzeke gelek pispor heye
Karayilan bi lêv kir li hemberî berxwedan û taktîka nû ya gerîla tu çekên dewleta tirk nikare encam bigirin û got,
“Li hemberî artêşa NATO ya duyem li Kurdistanê; hêzekî pir bi îrade, bi cesaret û pispor ava bûye.”
Mûrat Karayilan: Ev şer şerê gelan e, şerê demokrasî û azadiya gelên herêmê ye
Di dewamê de Mûrat Karayilan diyar kir ev şer şerê gelan e, şerê demokrasî û azadiya gelên Herêmê ye û ev tişt got:
“Ger ne ji berxwedana gerîla buya li Rojhilata Navîn wê ti kesî nekariba pêşiya dewleta Tirkiyê bigirta.
Bi taybetî wê li ser gelê Ereb, Iraq û Suriyê tehdîdên mezin pêş biketa.”
Mûrat Karayilan: Di nava 5 mehên derbasbuyî de serketinên mezin hatin bi dest xistin
Fermandarê Biryargeha Navenda Parastina Gel (NPG) Mûrat Karayilan diyar kir berxwedana 160 rojî bingeha serkeftina mezin daniye û wiha bi dawî kir:
“Ji bo em encama tê xwestin bigrin, ev çend mehên pêşiya me, ji bo me girîng in.
Bi esasî ew ji bo dijmin jî girîng in.
Mûrat Karayilan: Ji bo em encama tê xwestin bigirin çend mehên pêşiya me gelekî girîngin
Ji bo vê em dixwazin ev heftiyên pêş me de ji van tecrubeyên derketîn holê îstîfade bikin û êdî encamgirtinê esas bigrin.
Lewra pêwîste heval zêdetir kûranî çêbikin, hîn zêde fedekarî pêşbixînin.
Em bizanibin ku keda van pênc meh û nîvan vaye îro hemû komî hev bûye, di van heftiyên pêş me de wê bigihêje encamê. ”
