Jinên Bakur û Rojhilatê Sûriyê jî piştgiriya xwe ya bi serhildana jinan a li Rojhilatê Kurdistan û Îranê re nîşan dan ..
Jinan bang li hemû jinên cîhanê kirin ku li hember pergalên dîktator û hişmendiya baviksalarî bisekinin.
Ev 18 roj in li bajarên Rojhilatê Kurdistan û Îranê gel dirûşma “Jin, Jiyan, Azadî” qîr dikin …
Piştî kuştina jina kurd Jîna Emînî bertek zêde bûn ..
Jinên Bakur û Rojhilatê Sûriyê piştgiriya xwe ya bi serhildana li Rojhilatê Kurdistan û Îranê re nîşan da..
Hevseroka Komîteya Kar û Barên Civakî ya Rêvberiya Xweser Meryem Îbrahîm derbarê vê yekê axivî..
Meryem Îbrahîm got :
“Bi ruhê Jîna Emînî li Îranê şoreşek dest pê kiriye..
Tu kes nikare li hemberê bisekine, rawestîne yan ji raya giştî veşêre.”
Endama Komîteya Lihevhatinê ya Kombûna Jinan a Zenûbya ya Hecînê Mûne El Iwêd jî got:
“Em berxwedan û serhildana jinan li Rojhilatê Kurdistanê silav dikin.
Her wiha piştgiriya wan dikin..”
Endama Komîteya Perwerdeyê ya Kombûna Jinan a Zenûbya Sîba El Dilî ev yek anî ziman :
“Ev sûc dê bi yekitiya jinan bi dawî bibe.
Em dikarin li hember van sûcan bisekinin, ji ber jin jiyanê ava dike. ”
Jina ciwan Dunya Şêx Fadil a ji Helebê jî diyar kir ku parastina şoreşan li gor xweparastina cewheriye..
Ji aliyê xwe ve Nede Ehmed bal kişand ser xwepêşxistinan jinan û got:
“Jin piştgiriya hev dikin da ku hemû jinan ji zulm û koletiyê xilas bikin.”
Jina ciwan Sarya Cûdî destnîşan kir kuŞoreşa Jinan a Rojhilatê Kurdistanê bi pêşengiya jinên azadîxwaz dest pê kir.
