Lîloz Hacî ya ji 6 saliya xwe ve karê xêzkirina wêneyan dike diyar kir ku wê nerîna xwe li jiyanê di wêne de dît û got: ”Ya ku serdemê baş tîne ser ziman Huner e. Gihandina hunerê ji civakê re nîşaneya serketinê ye.”
Bi şoreşa Rojava re, jinan gelek destkeftî bi dest xistin.
Ji bo ku encamên xurt bi xwe re bîne destkeftiyên xwe spartin Çand û Hunerê.
Lîloz Hecî a li Dêrikê ji 6 saliya xwe ve dest bi xêzkirina wêneyan kir.
Lîloz wêneyên ku di 6 saliya xwe de dest bi çêkirina wan kiriye, weke hişê dîrokê pênase dike û got:
“Min xwe bi wêneyan keşif kir.
Min nêrîna Lîloz a li jiyanê di wêne de dît.
Bi wêne min qala lêgerîn, daxwaz, hestên xwe kir.”
Lîloz Hacî: Min bi tena xwe fêrî çêkirina wêneyan kir
Lîloz ku bi xwe hînî xêzkirina wêneyan bû diyar kir ku kesî berê wê neda çêkirina wêne, wê bi xwe rahişt kaxiz û pênûsê û dest bi xêzkirinê kir.
Lîloz bal kişand ser fêrkirina nifşên nû ji xêzkirina wêneyan û wiha bi lêv kir:
Niha 5 şagirtên min hene ku 4 jê jin in.
Min îsal dest bi perwerdekirina kesên 13 salî û yên jê mezintir kir.”
Lîloz Hacî: Ya herî zêde serdemê tîne ziman huner e
Lîloz Hacî di dawiyê de wiha anî ziman:
”Ya ku serdemê baş tîne ser ziman Huner e.
Gihandina hunerê ji civakê re nîşaneya serketinê ye.
Wêne ji bo perwerdekirina civakê hunereke pêşketî ye.
Nêrîna mirovan a li jiyanê bi hunerê dikare bê guhertin.”
