Yekitiya Jinên Ciwan bi çalakiyekê 17 gerîlayên di êrişa kîmyewî ya dagirkeriya Tirk li dijî Herêmên Parastinê yên Medyayê de, bi bîr anîn.
Yekitiya Jinên Ciwan a Tirbespiyê bi çalakiyekê 17 gerîlayên di Îlon û Cotmehê de di encama êrişa kîmyewî ya dewleta Tirk a dagirker li dijî Herêmên Parastinê yên Medyayê de şehîd bûbûn, bi bîr anîn.
Çalakî li hola dibistana Şehîd Cahîde Ronak a li Tibespiyê bi beşdariya endamên jinên ciwan hate lidarxistin.
Di bîranînê de wêneyên 17 gerîlayên di êrişa kîmyewî de şehîd bûbûn û wêneyên şehîdên tevgera rizgariya Kurdistanê hatin pêşandan.
Di çalakiyê de sînevîzyonek ku behsa têkoşîna jinan di tevgera azadiyê dike hate pêşandan.
Çalakî bi diruşmên silavkirina berxwedana jinan bi dawî bû.