Rêber Ocalan: Zilam çima di mijara jinê de ewqas hesud e?

Rêber Abdullah Ocalan, di nirxandineka xwe de wiha dibêje; divê baş bê zanîn ku dicivakê de jiyaneke rast bi jinê re pêk neyê, jiyaneke manedar jî wê çênebe û got: “Jiyana herî xweşik û manedar bi jina azad a xwedî rûmet pêkan e û bi vê zanînê divê em vegotin û çalakiyên xwe pêşde bibin.

Reber Apo di her nirxandin, perspektif û bareznameyen xwe de balkişandiye li ser azadî,rêbazên evina rast û xweeparastin yên jinê.

Rêber Ocalan evina nihaê wekî xwe xapandinê bi nav dike û wiha dinirxîne.

“Niha jin bi navê em evînê dijîn xwe dixapînin. Min ji jinên ciwan re digot; Bawerî, îdea min a azadî û evînê mezin e. Gelo hûn jî ji xwe bawer in, bi îdea ne, hûnê bikaribin feraseta min ya evînê rabikin? Evîn fêm kirin e, kûrbûn e. Fêmkirina xweza, gerdûn û mirov e. Bêyî fêmkirina van, evîn nabe.”

Rêber Ocalan moderniteyê wekî civaka giştî ya pîrekbûyî îfade dike.

“Di şexsê jinê de saziya herî baş koletiya giştî ya civakê kamûfle û şapinêz dike, saziya zewacê ye. Pêvajoya pîrekkirina jinê dikin bingeh û civakê jî gav bi gav dikin pîrek. Modernîte civaka giştî ya pîrekbûyî îfade dike.

Rêber Ocalan destnîşan kir ku pirsa bingehîn a divê bê kirin ev e, çima zilam di mijara jinê de ew qas hesûd û kujer e û wiha şîrove kir:

“Bêguman destavêtin û tehekum têgînên îstîsmarê yên civakî ne. Maneyeke wê ya din a kûrtir, xiyaneta li hemberî jiyanê îfade dike. Jiyan bi tenê ji têkiliya zayendî pêk nayê. Çalakiya zayendî çiqasî zêde be, ew qasî jiyan ji dest tê dayîn.”

“Rizgarkirina malbat û zayendan zêdetir xilasiya civakê ye”

Rêber Apo asta ku jin di sedsala 21 an de gihiştiye û şoreşa jinê wiha şîrove dike:

“Şoreşa zayendê tenê jinê eleqedar nake. Zilam di rewşeke ji jinê jî xirabtir de ye. Ev şoreşa zayendê di heman demê de rizgariya zilame jî. Ev ji rizgarkirina malbat û zayendan zêdetir xilasiya civakê ye. Şoreşa jinê wê ji bo mirovahiyê bibe ronahiyek. Şoreşa jinê divê hem di teorî û hem jî di çalakiyê de gavên bi kok biavêje. Divê mirov hêza jiyanê, weke tayê herî xurt ê dostaniyê, hevalti, aştî û esaletê de ji bo parvekirina bi awayekî azad û wekhev bibîne. Rêzdarî û hezkirin wiha bi hêsanî çênabe, şoreş pêwîst e. Heta mirov vê şoreşê pêk neyne, xweşiya jiyanê jî nabîne.”

Rêber Ocalan: Gul ji bo ku xwe biparêze stiriyan derdixe

Rêbertî di nirxandinên xwe de qala parastina rewa jî wiha kir:

“Parastina rewa tenê ji bo jinê nîne, ji bo her kesî derbasdar e. Divê jin bikaribin parastina xwe bikin. Gul, ji bo xwe biparêze sitiriyan derdixe. Ji bo parastina cewherî mirov tenê li xwezayê binêre bes e. Ma bi qasî gulekê jî mafê me ya xwe parastina cewherî tune ye? Parastina cewherî pîroz e.

Rêber Ocalan: Sedsala 21’Emîn dê bibe sedsala jinê

Rêber Ocalan di nirxandinên xwe de bal kişand ser sedsala 21’ê û wiha dinirxine

“Tevgera jinê tevgereke sedsala 21’emîn e. Meseleya jinê meseleya mêr û civakî ye. Jin piçekî xwe gihandiye asta azadiyê, divê jin xwe bigihîne jiyaneke bi rûmet.”

Back to top button