Ukrayna li Rûsya tengav dike û Moskow jî çavsor bûye.
Kîevê ragihand ku di nava rojekê de hêzên Moskow nêzî 100 moşek avêtine xaka welat.
Di êrişê de jî navendên enerjiyê hatine armanckirin.
Ji ber vê yekê qutbuna elektirîkê pêk tê.
Li aliyekî din, mîsyona perwerdekirina leşkerên Ukrayna ya YE despê dike.
Rûsya dixwaze di zûtirîn demê de, binketina xwe ya li bajarê Xersonê veşêre.
Hêzên Rûsya piştî ji bajarê navbûrî vekişiyan, xetên xwe yên parastinê xurt dikin.
Lê ya diyar ji bo Rûsya moralê leşkerên xwe bilind bike dixwaze gavekê biavêje.
Ji ber vê yekê li asîmanên Ukrayna, moşkeên Rûsya metirsiyek mezin çêkir.
Rûsyayê li seranserê Ukraynayê êrîşeke moşekî ya mezin pêk anî.
Berdevkê Hêza Hewayî ya Ukraynayê Yuri Ignat got:
“Berî niha nêzî 100 moşke hatine avêtin.
Armancên wan yên sereke binesaziyên krîtîk e.
Hin mûşek hatine bêbandorkirin, lê divê em agahiyê li ser vê yekê zelal bikin.”
Koşka Spî êrişa moşekî bi tundî şermezar kir
Şêwirmendê Ewlekariya Netewî ya Qesra Spî Jake Sullivan di daxuyaniyekê de ragihand ku ew êrîşa moşekî ya dawî ya Rûsyayê bi tundî şermezar dikin.
Di êrîşên moşekî yên Rûsyayê de li Kîev û derdora paytextê de herî kêm kesek hat kuştin.
Şaredarê Kîevê Vitaly Kliçko li ser Telegramê ragihand ku li navçeya Pechersk du avahî ketine.
Kliçko da zanîn ku ekîbên rizgarkirinê li cihê bûyerê bûn û diyar kir ku cenazeyê kesekî ji binê xirbeyê hatiye derxistin.
Welatî bi dengê sîrenan tê hişyarkirin
Her wiha ji herêmên Odessa, Çerkasy, Kirovohrad, Xmelnitsky, Xarkiv û Dnipropetrovskê hişyariya êrîşên hewayî bi sîrenan tê kirin.
Zelensky: Ji ber êrişa bi moşekan elektirîk qut bûye
Serokomarê Ukraynayê Volodymyr Zelensky ez dizanim ku êrîşên moşekî enerjî li gelek deveran qut kirin û got:
“Em li ser dixebitin, em ê her tiştî rast bikin, em ê bijîn.”
Li gorî nûçeyên di çapemeniya Ukraynayê de cih girtine, Rûsyayê fuzeyên li ser Behra Xezerê avêtine.
Zelensky doh bi telekonferansê ji serokên dewlet û hikûmetên welatên G20 re axivî.
Serokê Ofîsa Serokomariyê Andriy Yermak li ser hesabê xwe yê Twitterê wiha got:
“Rûsya bi êrîşeke moşekî ya nû bersiva axaftina Zelensky ya li G20ê da.”
YE ji bo Ukrayna mîsyona perwerdeya leşkerî despê kir
Di vê navberê de, Yekîtiya Ewropayê (YE) ragihand ku mîsyona xwe ya leşkerî (EUMAM Ukraine) ku wê 15 hezar personelên artêşa Ukraynayê perwerde bike, da destpêkirin.
