Polonya doh bi şev ketin alarmê.
Piştî moşek li gundekî welat yê li sînorê Ukrayna ket û 2 kes mirin, rêveberiya Warşow ket tevgerê.
Amerîka ragihand ku îşaret hene moşke ji Ukraynayê hatiye avêtin.
Joe Biden got,
Ne gengaze moşek ji Rûsyayê hatibe avêtin.
Li Polonya ku welatê cîranê Ukrayna ye alarma metirsiyê lê da.
Di saetên şevê de 2 moşek li gundê Przewodow ê 6 kîlometre ji sînorê Ukrayna dure ket.
Di encamê de 2 kes mirin.
Piştî vê li ser banga serokwezîrê Polanyayê, Lijneya Ewlekarî û Parastinê ya Polonyayê civiya.
Despêkê rêveberiya Polonya îdia kir ku moşek a Rûs e.
Nehat zanîn ku mûşek ji aliyê kîjan hêzê ve hatiye avêtin.
Wezareta Parastinê ya Rûsya jî ragihand ku ti têkliya wan bi êrişê re tine ye.
Biden: Dibe ku moşek ne ji Rûsya hatibe avêtin
Serokê Dewletên Yekbûyî yên Amerîkayê Joe Biden diyar kir ku îhtîmal e moşek ne ji Rûsyayê hatibe avêtin.
Biden banga civîneke awarte ya welatên G-7 û serokên NATO’yê ku ji bo civînek din li Endonezyayê ne kir ku bicivin.
Moşkekên li xaka Polonya ketîn Ukrayna nîşan dide
Ji aliyê din ve hikûmeta Polonyayê ragihand ku ew li ser bûyerê lêkolînê dikin û asta amadekariya leşkerî zêde dikin.
Biden her wiha soza piştgirîya xwe ji bo lêpirsîna Polonya jî da.
Polonya lez da asta amadekariyên leşkerî
Wezareta Karê Derve ya Polonyayê ragihand ku di encama lêkolînan de hatiye tespîtkirin ku moşeka Rûsyayê ye.
Daxuyaniya Polonyayê îşaret bi wê yekê nekir ku êriş şaştiyek armancgirtinê bû yan jî moşek ji aliyê parastina Ukraynayê ve ji rota wê hatiye derxistin an na.
Konseya ewlekariyê ya NY dicive
Sekreterê Giştî yê NATO’yê Jens Stoltenberg bang li balyozên hevpeymaniyê yên li Brukselê kir ku biciivin.
Konseya Ewlekariyê ya NY jî plan kir wê îro ji bo agahdariyek pêşwext li ser rewşa Ukraynayê bicive..
Zelensky: Ya ketî moşekên Rûsyayê ne
Serokomarê Ukraynayê Volodymyr Zelensky jî diyar kir moşekên li gundekî Polonyayê ketine yên Rûsyayê ne.
Serokê Ukraynayê di daxuyaniyeke din de ku di nava rojê de dayî got:
Rûsyayê herî kêm 85 moşek avêtine ku piraniya wan navendên enerjiyê kirine armanc.
Bivê yekê re gelek bajar xistine nava tarîtiyê.
Zelensky got,
“Em dixebitin, em ê her tiştî ji nû ve bikin.
Em ê her tiştî derbas bikin.”
