Doh piştî êrişa li dijî baregeha hevbeş a hêzên YAT û Koalîsyonê, Fermandarê QSD’ê Mazlum Ebdî ji malpera Al Monîtor re axivî.
Ebdî diyar kir ku ji ber bêdengiya Amerîka û Rûsya, dewleta Tirk komkujî li dijî sivîlan pêk anî û got,
Eger bêdengiya Waşîngton û Mosko wiha dewam bike, Tirkiyê dikare mîna salên 2018 û 2019 êrişeke berfereh a bejahî li dijî herêmê pêk bîne.
Fermandarê QSD’ê ji bo cara pêşî eşkere kir ku bersûca teqîna li Stenbolê Ehlam El Beşîr ji malbetekê DAIŞ’î ye û got;
3 birayên wê çeteyên DAIŞ’ê bûn û di şer de hatin kuştin.
Doh artêşa Tirk bi balafirên bê mirov êrişî baregeha hevbeş a Yekîneyên Antî Teror-YAT û Hêzên Koalîsyona Navneteweyî kir.
Di vê êrişê de 2 endamên YAT’ê şehîd bûn.
Piştî êrişê Fermandarê QSD’ê Mazlum Ebdî bersiv da pirsên malpera Al Monîtorê.
Têkildarî pirsa sedem û armanca li dijî êrişa Hesekê, Ebdî ev nirxandin kir:
“Divê Amerîka rastiya êrişa li Hesekê eşkere bike”
Herkes dizane ku devera bû armanca êrişî navenda kar û xebatên min e. Li vê navendên hêzên Amerîkî jî dimînin.
Eger were pirsîn bê ka ev êrişî bi haya Amerîkayê bûye an na?
Divê Waşîngton bixwe bersiva vê yekê bide.
Mazlum Ebdî gefa dawî ya şefê rêjîma Tirk Erdogan jî weke mijareke ciddî binav kir û got;
Dema em li gefên dewleta Tirk dinerên, eşkere diyar dibe ku helwesta Amerîka û Rûsya pir lewaz e.
Eger wisa dewam bike, wê pêşî li êrişn neyê girtin.
Ebdî: Amerîka û Rûsya rêya bêdengiyê hilbijartine
Eşkere ye ku eger destûra Amerîka û Rûsyayê nebe, artêşa Tirk nikare êrişeke bejahî destpê bike.
Weke encamê, tê dîtin ku Mosko û Waşîngton li hemberî êrişên dewleta Tirk, bêdengî hilbijartine.
Amerîka ji bilî gotinên “şerê li dijî DAIŞ’ê” ti stratejiyeke wê a din li Sûrî tine ye.
Têkildarî paşeroja herêmên me, siyaseta Amerîka têkçû.
Ebdî: Di hedefa Tirkiyê de Kobanê û Minbic hene
Eger bêdengiya Waşîngton û Mosko wiha dewam bike, Tirkiyê dikare mîna salên 2018 û 2019 êrişeke berfereh a bejahî li dijî herêmê pêk bîne.
Û ne dûre ku di hedefa wan de Kobanê û Minbic hebin.
Li ser îdîayên Erdogan ku dike hinceta êrişên li dijî herêmê, Fermandarê QSD’ê ev bersiv da:
Ebdî: Malbata Ehlam El Beşîr DAIŞ’î ye
Derewan dikin. Beriya niha jî gelek caran tiştên wisa kirin. Meseleya Stenbolê jî eşkere ye.
Bixwe wisa kirin ku rêya êrişa li dijî me amade bikin.
Cara pêşî ez ji bo raya giştî eşkere dikim:
Jina ku ji ber teqîna Stenbolê tê tawanbarkirin, malbata wê DAIŞ’î ye.
3 birayên din dema çeteyên DAIŞ’ê bûn li Iraq, Minbic û Reqayê hatin kuştin.
Birayekî wê yê din hê weke fermandar di nava komên çekdar ên Tirkiyê piştevaniya wan dike.
