Trajediya koçberiya heta niha bi gelek caran me hemûyan şahidiya wê kir.
Saziyên weşanê yên navneteweyî li ser koçberan lêkolînek taybet pêk anîn.
Derket holê ku li sînorên derve yên YE’yê girtîgehên veşartî hene.
Koçber li wir têne girtin û bi zorê vedigerînin welatên wan yan jî Tirkiye ya ku jê hatin e.
Rêwitiya zor a koçberiyê bi trajediyan têr û tejî ye.
Hat îdiakirin ku li sînorên derve yên Yekîtiya Ewropayê (YE) girtîgehên veşartî hene.
Li van girtîgehan koçber lê têne girtin û êşkence li wan tê kirin.
Rapor li ser lêkolîna weşana giştî ya Alman ARD, Spiegel û weşangeriyên Lighthouse Reports, Sky News, Le Monde, Domani, SRF û RFE/RL hatî amadekirin.
Hate ragihand ku kesên li van girtîgehan girtî bi rêya “paşvekişandina neqanûnî” hatine sirgûnkirin. ”
Hat destnîşankirin ku di encama lêkolînên hevpar ên saziyên weşanê de hebûna girtîgehên bi vî rengî cara yekem e hat piştrastkirin.
Li gorî lêkolînan yek ji van girtîgehan li Bulgarîstanê li ser xaka qereqola sînor e.
Avahî dişibe şebekeke bi hesin dorpêçkirî.
Hat dîtin ku ku penaber li erdê di nav çopê da mane û paşê bi wesayîtan birin cihekî din.
Di raporê de îfadeyên penaxwazan jî cih digrin û hatiye tomarkirin ku ew bi rojan bê nan û av di van baregehan de mane û piştre birine ser sînor û neçar mane vegerin Tirkiyê.
Parêzerê Enstîtuya Max-Planck a Munîhê Constantin Hruschka, ji ARD re got;
Ev stargeh tê wateya bêparkirina azadiyê û bi tevahî neqanûnî ne.
“Li qereqolê 10 leşkerên fontex hene”
Di lêkolînên weşanan de jî derket holê ku binçavkirinên neqanûnî li ber çavên ajansa sînor a Yekîtiya Ewropayê Frontex pêk hatine.
Hat ragihandin ku 10 efserên Frontexê li qereqola sînor a Bûlgarîstanê dixebitin.
Rêveberê beşa Almanya ya Rêxistina Çavdêriya Mafên Mirovan Wenzel Michalski diyar kir ku Frontex “beşek ji pirsgirêkê ye” û destnîşan kir ku efserên ku pêşî li van pêkanînan negirin wê bibin hevpar.
Bersiva pirsa weşanên li ser mijarê, Frontex diyar kir ku efserên Frontexê di xebatên çavdêriyê yên li ser sînor de piştgirî didin polîsên sînor ên Bulgaristanê.
Li aliyê din rayedarên Bulgarîstanê pirsên li ser mijarê bêbersiv hiştin.
Weşangeriyan, derxitin holê ku ev yek ne tenê li sînorê Bulgarîstan li macerîstanê jî heman e.
Lê hikumeta Macer ev îdia red kirin.
