Ji Efrîn heta Dêrikê binpêkirinên salekê yên dewleta Tirk. Di salekê de li Bakur û Rojhilatê Sûriyê di encama êrişên dewleta Tirk de, 54 jê hêzên parastinê bi giştî 113 welatî şehîd bûn. 52 leşkerên hikûmeta Şamê jî jiyana xwe ji dest dan.
Piştî şerê cîhanê yê duyemîn Netewên Yekbûyî (NY) bi armanca parastina mafê mirovan 10`ê Kanûna 1948`an wekî roja Mafê Mirovan a cîhaî destnîşan kir.
Di ser qebûlkirina vê rojê 74 sal derbas bûn, lê binpêkirinên mafan hê jî berdewam dikin.
Yek ji herêmên ku herî zêde maf lê tên binpêkirin û komkujî pêk tên Bakur û Rojhilatê Sûriyê ye.
Bi minasebeta Roja Mafê Mirovan me binpêkirinên ku dewleta Tirk a dagirker di nava salekê de li Bakur û Rojhilatê Sûriyeyê kirine, ji we re kom kiriye.
- 50 Welatî şehîd bûn
Ji Dêrikê heta Şehbayê dewleta Tirk a dagirker bombebaran kir û di encamê de 50 welatî şehîd bûn.
- 300 Welatî birîndar bûn
Li rex van şehîdan jî 300 welatî birîndar bûn.
- 60 Endamên hêzên leşkerî
Ne tenê ev şervanên ku herêmê ji terora çeteyên DAIŞ’ê baqij kir û bûn armanca êirşên dewleta dagirker.
60 şervan şehîd bûn ku di nav wan de Hêzên Ewlekariya Hundirîn jî hebûn.
- 11 Endamên hêzên leşkerî birîndar bûn
Her wiha 11 şervan jî birîndar bûn.
- 33 Leşkerên hikûmeta Şamê hatin kuştin
Heta bi leşkerên hêzên Hikûmeta Şamê jî ji van êirşên dewleta Tirk nefilitîn.
- 63 Leşkerên hikûmeta Şamê birîndar bûn
33 leşkerên Hikûmeta Şamê di encama êrişan de jiyana xwe ji dest dan û 63 leşker jî birîndar bûn.
Meclîsa Gel a Zirganê û xetên kehrebê yên Til Temirê hatin topbarankirin û ji xizmetê derketin.
Stasyona 4`an a kahrebê ya Gundê Teqil Beqil ya herêma Dêrîkê hat tobarankirin û zirarek mezin dît.
Her wiha li Minbicê mizgefta gundê El Cat û li Zirganê nexweşxane hatin hedefgirtin.
Heta bi miriyan jî ji topbarana dewleta Tirk nefilitîn, goristana Êzîdiyan a gundê Basûfanê yê navçeya Şêrawa ya Efrînê jî hate xirabkirin.
Li aliyê din depoyên Dahir El Ereb hatin bombebaran kirin û hat rûxandin.
Li Kobanê jî nexweşxaneya Korona û navendeke tenduristiyê bûn armac û ji binîde wêranbûn.
Li Dêrikê stasyona gazê û kahreb, her wiha stasyona petrolê li Çilaxa, Tirbespiyê û Qamişlo bombebaran
Xetên kehrebê li Dêrik, Qamişlo û Tirbespiyê hatin hedefgirtin û kehrebey li ser herêma Cizîrê qut bû.
Dewleta ku bi navê ola Îslamê bang li xwe dike camiya gundê Terwaziyê yê Eyn Îsayê topbarnan kir.
Her wiha Firina gundê Rebîat a girêdayî navçeya Zirganê di encama topbaranê de hate rûxandin û ji xizmetê derket.
Lê heman dewletên ku ev peyman îmze kirine li hember van êrîşên dewleta Tirk li ser herêmên Bakur û Rojhilatê Sûriyê dengê xwe nakin.
