Ukrayna ragihand ku di saetên siharê de 10 balafirên bêmirov yên Rûsya li derdora Kîevê hatine xistin.
YE jî ji bo piştevaniya Ukrayna paketa alîkariya 18 mîlyar euro bo Ukrayna erê kir.
Amerîka ya vî pereyî dibîne jî dibêje, sîstema Patriot ya parastina asmanî bo Ukrayna amade ne.
10 roj name şerê li Ukrayna 10 mehên xwe tejî bike.
Di nava vê demê de, Rûsya bi hemû hêza xwe êrişî Ukrayna dike.
Lê ya diyar heta niha rêveberiya Moskow negihiştiye armanca xwe.
10 Balafirên bêmirov li derdora Kîevê hatin xistin
Bi demsala zivistanê re, li cihê şerê bejahî êdî çekên giran û balafirên bêmirov li ser dîka şerin.
Şaredarê bajarê Kîevê Vitaliy Kliçko li ser hesabê xwe yê Telegramê ragihand ku di saetên siharê de li bajar û derdora wê 10 balafirên bêmirov hatine xistin.
Serokomarê Ukrayna Volodymyr Zelensky jî ragihand ku balafirên bêmirov yên îro di saetên siharê de hatine xistin 13 ne.
NY banga hevkariya bo Ukraynayê kir
Di vê navberê de Sekreterê Giştî yê Neteweyên Yekbûyî (NY) Antonio Guterres bang li civaka navneteweyî kir ku bi hev re tevbigerin da ku li Ukraynayê jîngeheke aştiyê ava bikin.
Antonio Guterres beşdarî konferansa bi sernavê “Piştgiriya bi gelê Ukraynayê re” ku li Parîs a Fransa li ser înternetê hat lidarxistin bû.
Guterres diyar kir şerê ku li Ukraynayê dewam dike dramayek însanî ya hovane ye.
Sekreterê Giştî yê NY anî ziman kesên mexdûrên şer di şert û mercên zivistanê de berdêlên giran didin.
Ji YE bo Ukrayna 18 mîlyar euroyên din
Yekîtiya Ewropayê (YE) li ser alîkariya darayî ya 18 mîlyar euroyî ya ji bo Ukraynayê ku beriya niha ji aliyê Macarîstanê ve hatibû veto kirin, li hev kir.
Macarîstanê vetoya xwe ya li ser pakêta alîkariya darayî ya 18 mîlyar euro ya ji bo Ukraynayê vekişand.
Di daxuyaniya Serokatiya Çekya ya Konseya YE ya demkî dike de, ev yek hate piştrastkirin.
Amerîka: Sîstema parastina asmanî patriot li ber amadebûnê ye
Hat ragihandin ku plana Amerîkayê ya şandina sîstema parastina mûşekî bo Ukraynayê ber bi dawiyê ve diçe û dibe ku biryar vê hefteyê were eşkerekirin.
Li gorî raporên medyaya Amerîkayê ku çavkaniyên xwe dispêrin berpirsên payabilind, Waşîngton li hember daxwazên lîderên Ukraynayê bo şandina Patriotan difikire.
Rayedaran diyar kirin ku ev plan ber bi dawiya xwe ve diçe û destnîşan kirin ku ev erêkirina navborî wê beriya dawiya vê hefteyê bê dayîn û 15’ê Kanûnê jî bi fermî bê ragihandin.
