Komîteya Rêveber a PKK’ê li ser komkujiya Parîsê daxwiyaniyek da ..
Komîteyê diyar kir ku rêveberiya Erdogan biryar li ser Komkujiya Parîsê da û got :
“MÎT a bi serkêşiya Hakan Fîdan jî plan kir û pêk anî.Divê rêveberiya Fransayê bi vê rastiyê zanibe.”
Komkujiya 2. a ya ku li Parîsê pêk hat , bi daxuyanî û çalakiyan têne şermezarkirin.
Komîteya Rêveber a PKK’ê jî li ser mijarê daxuyaniyeke nivîskî weşand.
PKK:Komkujî ji aliyê AKP-MHP ve pêk hatiye
Komîteya Rêveber a PKK’ê Komkujiya duyemîn a Parîsê weke êrişeke hovane pênasekir û got:
“Ev êriş ji aliyê desthilata faşîst AKP-MHP’ê ve hatiye kirin ku Zapê têk çûn.”
PKK:Faşîma AKP-MHP dixwaze tolê hilîne
PKK’ê diyar kir ku çeteyên faşîst ên AKP-MHP’ê ji ber ku têk diçe hewl dide heyfa xwe hilîne û wiha pêde çû:
Faşîma AKP-MHP’ê hewl dide heyfa vê yekê ji xelkê me yê sivîl û jinên ji bo azadiyê têdikoşin, hilîne.
Diyar e ji xelkê me yê li derveyî welat , ji dostên me ditirsin.
Ji jinên pêşeng ên ji bo azadiyê têdikoşin gelekî ditirsin.
PKK:Ya ku plan kir û pêk anî, MÎT e
PKK’ê da zanîn ku em baş zanin ku ev komkujî dewama Komkujiya 9’ê Çileya 2013’an e û got :
“Ya ku biryar û fermana vê komkujiyê da rêveberiya Tayyîp Erdogan e.
Hêza ku komkujî plan kir û pêk anî, MÎT a bi serkêşiya Hakan Fîdan e.
Rêveberiya heyî ya Fransayê divê, sûcdarên rasteqîn eşkere bike, bi rengekî adîl darizîne û hesab ji wan bixwaze.
Divê karibe ewlehiya nûnerên gelê Kurd ên li Fransayê misoger bike..”
PKK:Em ê teqez tolê hilînin
Komîteya Rêveber a PKK’ê ji malbatên şehîdan re sersaxî xwest û wiha got:
Keça leheng û bedew a Botanê hevrê Evîn Goyî, tevahiya emrê xwe da têkoşîna azadiyê ya li ser xeta fedaî ya Apoyî.
Ji dil baweriya xwe bi doza azadiyê ya jinan û gelê Kurd anî.
Di têkoşîna azadiyê de timî li refên herî pêş bû.
Divê em weke partî û gel vê hevrêya hêja her tim bi rêzdarî bi bîr bînin..
Tola wê teqez hilînin û armancên wê bi ser bixînin.
PKK: Em gelê ku herikî Parîsê silav dikin
PKK’ê balkişand ser helwesta gel ya li dijî komkujiyê û wiha domand :
Gelê me û dostên me li dijî komkujiyê bû yek.
Em vê helwest û nêzîkatiya têgihiştî silav dikin.
Heta ku komkujî bê eronîkirin , em bawer dikin ku wê çalakiyên xwe yên ji bo demokmrasî û azadiyê dewam bikin.
Ji bo bîranîna şehîdên me yên Parîsê divê em timî hişyar, rêxistinî, amade û têkoşer bin.
