Belarûsê ragihand ku moşeka S-300 a hêzên hewayî yên Ukraynayê li ser xaka xwe xistiye.
Belarûs li ser mijarê daxwaza lêkolînê kir.
Rêveberiya Kîev jî dibêje ew ji lêkolînê re amade ne.
Di nava demên dawiyê de, di şerê navbera Ukrayna û Rûsyayê de navê Belarûsê jî pir derdikeve pêş.
Herî dawî Belarûsê ragihand ku moşeka S-300 a hêzên hewayî yên Ukraynayê li ser xaka xwe xistiye.
Balyozê Ukraynayê ji bo Wezareta Karên Derve ya Belarûsê hat vexwendin.
Belarûs daxwaz ji Ukraynayê dike ku lêkolînê bike ka çima mûşek ketiye qada hewayî ya wî welatî.
Belarûs ragihand ku moşek li nêzî gundê Harbacha yê 15 kîlometre dûrî sînorê Ukraynayê li herêma Brestê ye hatiye xistin.
Televîzyona Dewletê ya Belarûsyayê dîmenên paşmayiyên moşeka ku di pergala parastina hewayî ya Ukraynayê de tê bikaranîn belav kir.
Şahidekî ji Radyoya Ewropa Azad re got:
“Pencere û mala me ji pêla deng dihejiya.”
Berdevkê Wezareta Karên Derve ya Belarusê Anatoly Glaz got,
“Em vê bûyerê pir cidî digirin.
Divê Ukrayna tedbîrên cidî bigire da ku di pêşerojê de bûyerên bi vî rengî çênebin.
Ukrayna: em li lêkolînê re amade ne
Di daxuyanîya ku ji aliyê Wezareta Karên Derve ya Ukraynayê ve hat dayîn de wiha hate gotin:
“Mafê me yê parastin û parastina qada me ya asmanî nayê nîqaşkirin.
Ekîbên welatên ku piştgirîya dewleta terorê nakin, dikarin alîkarîya lêpirsînê bikin.
Em ji bo vexwendina van tîman amade ne.”
Belarûs yek ji hevalbendên sereke yên Rûsyayê ye.
Ji 24’ê Sibatê ve, dema ku Rûsyayê dest bi êrişa li dijî Ukraynayê kir, Belarûs tu carî moşekek Ukraynayê nexistibû xwarê.
Hat zanîn ku rêveberiya Minksê di dema şer de destûr daye Rûsyayê ku xaka welat bikar bîne.
Rêveberên Ukraynayê herî dawî îdia kiribûn ku Rûsya dikare bi rêya Belarusê êrîşek nû plan bike.
Rûsyayê doh bi moşekan di serî de Kîev, Lviv, Odessa û Xarkovê êrîşî gelek bajarên Ukraynayê kir.
Zelensky: Di peydakirina elektirîk û gazê de zehmetî heye
Serokê Ukraynayê Volodymyr Zelensky ragihand ku piştî êrîşên Rûsyayê yên dawî, elektrîk û gaz ji bo gelek herêmên welat nikarin werin peydakirin.
Zelensky anî ziman ku heta niha Rûsya dest ji fikrê ku herêma Donbassê kontrol bike bernedaye.
