Piştî ku fîlma ‘Kobanê’ li holên sînemayê yên Bakur û Rojhilatê Sûriyê û bajarên cîhanê hat pêşandan, sibê 26`ê Çileyê cara yekem dê li ser televîzyonan jî bê pêşandan.
Di salvegera 8`emîn a rizgarkirian Kobanê de, fîlma ‘Kobanê’ 26`ê Çileyê dê cara yekem li gorî dema Rojava saet di 9`ê êvarê de li ser ekranên Ronahî TV`yê, saet di 8`ê êvarê de li ser ekranên Stêrk TV’yê bê pêşandan.
Û wê roja 27`ê Çileyê saet di 9`ê êvarê de li ser ekranên Jin TV`yê were pêşandan.
Fîlma Kobanê ku 2 saet û nîvan dirêj dike, li bajarên Reqa, Tebqa, Qamişlo, Rimêlan û Hesekê hatin pêşandan.
Her wiha li gelek welatên Ewropa jî hat pêşandan.
Fîlm behsa bûyerên dîrokî yên di Berxwedana Kobanê ya li dijî DAIŞ`ê di salên 2014-2015`an de dike.
Ozlem Yaşar derhêneriya fîlmê kiriye û ji aliyê Komîna Fîlman a Rojava û Tevgera Çand û Hunerê (TEV-ÇAND) ve di 2021`an de hate kişandin.
