Rêber Abdullah Ocalan di hevdîtina 21’ê Mijdara 2014’an bi şandeya Îmraliyê re pêk anîbû têkildarî êrîşên li ser Kobanê gotibû; “Kobanê di sedsala 21’emîn de mifteya çareseriya hemû pirsgirêkan e. Divê Kobanê bê parastin..”
Rêber Abdullah Ocalan di hevdîtina 21’ê Mijdara 2014’an bi şandeya Îmraliyê re hevdîtin pêk anîbû û bi riya şandeyê ji bo berxwedana destanî ya Kobanê peyam şandibû û ev nirxandin kiribû:
“Di van bûyerên diqewimin de divê alî dersê jê derxin.
Di vê bingehê de divê girîngiya çareseriya demokratîk a jiyanî were fêmkirin û hewldanên li ser bingeha muzakereyan bênavber girîngiyê dide nîşandan.
Wezîfeya dikeve ser milê aliyan divê hiqûqa wan a bi hev re li ser bingehek saxlem û ewlehî were rûniştandin.
Dema ev neyê kirin, wê encama wê bi darbeyek mezin re rûbirû bimîne.
Ji xwe ji bo gel û baweriyên li ser vê axî dijîn vebijêrkek girîng e û divê demokrasiyek xwedî bingeh were avakirin.”
Rêber Apo: Li Kobanê berxwedanek destanî û lehengî hat nivîsandin
Rêber Apo balkişandibû li ser giringiya berxwedana li dijî DAIŞ’ê û gotibû:
“Kobanê di sedsala 21’emîn de mifteya çareseriya hemû pirsgirêkan e û dikare hemû nakokî, şeran çareser bike.
Li wir berxwedanek destanî û lehengî tê nivîsandin.
Hemû gelên me ku xwedî li wê berxwedanê derdikeve bi hişmendî û rûmet tevgeriyan e.
Rêber Ocalan diyar kirîbû ku ji bo siberoja demokratîk a Rojhilata Navîn aştiya herêmê girîng e û ev nirxandin kirbû:
“Ez carek din berxwedana rûmeta mirovahiyê Kobanê û hemû gelên li welatên cîhanê ku piştgiriya xwe nîşan dane bi taybetî silav dikim.
Li Kobanê darbeyek tê plankirin. Nêzîkatiya Erebbûnê di Erdogan de heye û ev gelek talûke ye.
Bi ser Katar, Erebistana Suîdî dixwazin Efrînê û Kobanê girê bidin Ereban, Cizîrê jî girê bidin Başûr.
Li ser Mûsil û cihên wek wê ketine nava hesabên gelek talûke.”
Rêber Apo di hevdîtina 4’ê Sibata 2015’an de jî serkeftina azadkirina Kobanê pîroz kir û gotibû:
“Hevdîtinên me li vir nebûna wê DAÎŞ’ê her alî bişewitanda û talan bikira.
Min gotibû bi ser Kobanê re dikarin mekanîka darbeyê bixin dewrê.
Em ê jiyana azad di şexsê Kobanê de û jiyana nû bi giyanê berxwedana Arîn Mîrkanan ava bikin.
