Daxwazên zêde yên Ukrayna êdî rastî bersivên nerînî tên.
Serokê Amerîkayê Joe Biden ragihand ku ew li dijî şandina balafirên şer ên F-16 bo Ukraynayê ne.
Hemwextî vê, dema ku Almanya jî li dijî şandina balafirên şer bo Ukraynayê ye, Fransa derî vekirî dihêle.
Serokê Dewletên Yekbûyî yên Amerîkayê Joe Biden di civîneke çapemeniyê de li Washingtonê de bersiva pirsên rojnamevanan da.
Li ser pirsa “Hûn piştgirî didin şandina balafirên şer ên F-16 ji bo Ukraynayê?” Biden bersiva “Na” da.
Rêveberiya Ukraynayê di van demên dawî de daxwazên xwe ji hevalbendên xwe yên rojavayî zêde kir.
Rêveberiya Kîevê bi awayekî eşkere daxwaza balafirên şer kir.
Alîkarê Şêwirmendê Ewlehiya Neteweyî yê Biden, Jon Finer, hefteya borî got şandina F-16 ji bo Ukraynayê bi “kategorîk” nehatiye red kirin.
Fransa bo şandina balafirên şer ji Ukrayna re derî vekirî hişt
Li Fransayê, kesên ku parêzvaniyê dikin hene deriyê şandina F-16 ji Ukraynayê re vekirî bimîne.
Serokê komîsyona parastinê ya Meclisa Neteweyî ya Fransayê Thomas Gassilloud ji medyaya Brîtanî re got:
“Divê em her daxwazekê bi xwe binirxînin û hemû derî vekirî bihêlin.”
Serokomarê Fransayê Emmanuel Macron li Kîevê di daxuyaniyekê de got,
“Di bingeh de tiştek qedexe nîne.”
Lê belê Macron di serdana xwe ya Den Haagê de daxuyanî da û bal kişand ser xeteriya zêdebûna aloziyê û diyar kir ku “hin pîvanên ku divê bên bicihanîn” hene.
Macron diyar kir ku divê Kîev bi fermî “daxwaz bike” û hîna ev yek nehatiye kirin.
Serokomarê Fransa her wiha got,
Divê çek “aloziyê zêde nekin”, “destê xwe nedin axa Rûsyayê” û tenê ji bo piştevaniya hêzên parastinê yên Ukraynayê bin.
Amerîka û Almanya li dij şandina balafirên şer bo Ukraynayê ne
Li aliyê din serokwezîrê Almanyayê Olaf Scholz gelek caran daxwazên şandina balafirên şer ji bo Ukraynayê red kir û got;
Divê “pêşbirka peydakirina çekan” neyê kirin.
Amerîka û Almanya biryar dan ku tankên şer û çekên giran bişînin Ukraynayê.
Serokê Amerîka Biden hefteya borî ragihandibû ku Ukrayna wê 31 tankên “M1 Abrams” û 8 wesayitên vegerandina tankê “M88” werbigire.
Her wiha Almanya jî biryar dabû ku wê di qonaxa yekem de 14 tankên Leopard 2 bişîne Ukraynayê.
