Endamtiya Swêd û Fînlandiya ya ji bo NATO rastî asteniya Tirkiyê hatiye.
Niha rejîma Tirkiyê bi polîtîkayên dimeşîne, herdu welatan tîne pêşberî hev.
Tirkiyê got, ew ê endamtiya bi tenê ya Fînlandiya ya bo NATO veto neke.
Tevî vê, Fînlandiya bi biryar e ku dev ji plana xwe ya tevlîbûna NATOyê ya ligel Swêdê bernede.
Fînlandiya dev ji plana xwe ya tevlîbûna NATOyê ya ligel Swêdê bernade.
Wezîrê Karên Derve yê Fînlandiyayê Pekka Haavîsto diyar kir ku li gel aloziya piştî bûyera şewitandina Qur’anê ew dixwazin bi Swêdê re tevlî NATO’yê bibin û got,
“Helwesta me neguheriye.”
Fînlandiya: Em bi biryarin bi Swêdê re beşdarî NATO bibin
Pekka Haavîsto di civîna çapemeniyê ya li Helsînkî de ev tişt anî ziman:
“Me ji hemû hevkarên xwe yên pêşerojê yên NATOyê re, di serî de Macaristan û Tirkiye re, teqez kir ku ewlehiya Fînlandiya û Swêdê ji hev nayên cudakirin.”
Swêd û Fînlandiyayê ku di Gulana borî de ji bo endamtiya NATOyê serlêdana fermî kiribûn, bi mehan bi Tirkiyê re, hevdîtinên sê alî dike.
Tirkiye, Swêd û Fînlandiya di Hezîrana 2022’an de li paytexta Spanya Madrîdê peymanek îmze kiribû.
Fînlandiya û Swêd bi sozên xwe yên curbecur hewl didin ku nerazîbûnên Enqereyê sivik bikin.
Lê Tirkiyê hefteya borî piştî bûyera şewitandina Qur’anê ya li ber Sefaretxaneya Tirkiyê ya li paytexta Swêdê Stockholmê, hevdîtinên sê alî rawestand.
Erdogan dixwaze Fînlandiya ji Swêdê qut bike
Şefê rejîma Tirkiyê Recep Tayyîp Erdogan yê ev yek veguherand propagandayek siyasî got;
Piştî vê kiryarê divê Swêd li bendê nemîne ku Tirkiye destûrê bide endamtiya NATOyê.
Ger pêwist bike em dikarin der barê Fînlandiyayê de peyameke cuda bidin.”
Wezîrê Karê Derve yê rejîma Tirkiyê Mevlut Çavuşoglu jî beriya niha daxuyaniyek heman dabû.
Tirkiye û Macerîstan ji bo endamên nû yên NATO xemsarin
Ji bo Fînlandiya û Swêd bibin endam, erêkirina 30 welatên di nava NATO’yê de pêwîst e.
Heta niha tenê Tirkiye û Macerîstan beşdarbûna van welatan ya nava NATO erê nekiriye.
Balkêşe ku di polîtîkayên van welatan de hevkariyek zêde ya li gel Rûsya heye.
Tê payîn ku Macarîstan di Sibat an Adarê de protokolên têkildar derbas bike.
Pispor di wê baweriyê de ne ku piştî hilbijartinên 14’ê Gulanê li Tirkiyê pêvajoya erêkirinê wê dewam bike.
Fînlandiya: Em bi biryarin bi Swêdê re beşdarî NATO bibin
Wezîrê Karê Derve yê Fînlandiya Haavisto got;
Em hêvî dike ku Fînlandiya û Swêd di çend mehên pêş de bibin endamên NATOyê.
Haavisto diyar kir ku piştî daxuyaniyên Erdogan bi Çavuşoglu re hevdîtin pêk anîne û eşkere kir ku bêyî Swêdê ti bijardeya wan a tevlîbûna NATOyê tune.
