Swîsre û Fransa jî konsolxaneyên xwe yên li Tirkiyê girtin.
Bi vê yekê re jimara welatên konsolxaneya xwe girtin, derket 6’an.
Li hemberî vê Wezîrê Karê Hindirîn yê Tirkiyê Soylu, Amerîka bi çêkerê terorê binav kir û berpirsyariya rewşa li welat xist stuyê wan.
Di nava meha derbasbûyî de li nava Tirkiyê atmosferek metirsîdar çêbûye.
Welatên rojava yên ji rewşa welatiyên xwe bifikar in, li pey hev peyamên hişyariyê didin.
Piştî Almanya, Holanda û Îngilistanê Firansa jî sefaretxaneya xwe girt
Herî dawî Fransayê konsolosxaneya xwe ya li Tirkiyê ji ber tedbîrên ewlehiyê, ji bo demekê girt.
Bi deriyê konsolosxaneya Fransayê ya li Cedeya Îstîklal a Stenbolê nivîsek ku li ser ‘ji bo demekê girtiye, ji bo têgihiştina we spas dikin’ hatiye daliqandin.
Swîsreyê konsolxaneya xwe ji ber sedema ewlehiyê girt
Her wiha Swîsreyê jî ji ber heman rewşî konsolxaneya xwe ya li Stenbolê girt.
Hate ragihandin ku wê konsolosxane rojên Pêncşem û Înê ji ber gefa terorê girtî be.
Rejîma AKP’ê îdia dike ev şerekî derûnî ye
Li hemberî van hişyariyan Wezîrê Karê Hindirîn yê Tirkiyê Suleyman Soylu ku li nava welat weke wezîrê sûç tê binavkirin jî li ser mijarê daxuyanî da.
Suleyman Soylu careke din bi axaftina xwe ya berovajîkirina rastiya rewşa li Tirkiyê xwest welatên konsolosxaneya xwe girtine sûcdar nîşan bide.
Soylu yê îşaret bi Amerîka kirî ew bi hevkariya li gel DAIŞ û çêkerê El Qaîd tewambar kir.
Wezîrê Tirkiyê ev yek weke gaveke li dijî aboriya welat û rêgirtina li pêşiya geştiyaran binav kir.
Lê dema ev yek kir jî qet qala bang û gefên li nava Tirkiyê bo welatiyên Rojavayî têne kirin nekir.
6 Welatan konsolosxaneyên xwe yên li Tirkiyê girtîn e
Beriya niha Almanya, Hollanda û Îngîlîstanê ji ber pirsgirêkên ewlehiyê konsolosxaneyên xwe yên li Tirkiyeyê girtin.
Bi biryarên dawî re, jimara welatên konsolosxaneya xwe yên li Tirkiyê girtine derket, 6’an.
Beriya niha jî Amerîk û Kanada ji ber ewlehiyê hişyarî dabû.
