Encamên erdhejê li bakurê Kurdistanê giraintir dibe û hêjmara kesên jiyana xwe ji dest dane 3 hezar û 500 derbas kir. Dewleta Tirk ji bo rizgarkirina kesên di bin kavilan de, xemsar tevdigere û gelek cihan heta niha tîmên destwerdana lezgîn neçûna wir.
Encama erdhêja li Bakurê Kurdistanê ku bandor li 10 bajaran kir her diçe girantir dibe.
Bi hezaran kes di binê xirbeyê avahiyên hilweşiyayî de mane.
Lê dewleta Tirk ji bo rizgarkirina welatiyan û alikariya wan pir xemsar nêzî dibin.
Rejîma Erdogan hewl dide bilonçoya giran a erdehjê sivik nîşan bide û xwe ji bêberpirsiyartiya vê yekê xilas bike.
Semsûriyan li dijî xemsariya dewletê bertekên tund nîşan dan
Li Semsûrê û navçeyên wê ku bi sedan kes di binê xirbeyan de mane, karên rizgarkirinê nehatiye destpêkirin.
Şêniyên herêmê hewl didin bi derfetên xwe wan rizgar bikin.
Semsûriyan li dijî xemsariya dewletê bi taybetî Erdogan bertekên tund nîşan dan.
Li Dîlokê gel bi derfetên xwe kesên di bin kavilan de mane derdixin
Li bajarê Dîlok û navçeyên wê jî rewş bi heman awayî ye.
Li gor agahiyên ewil ên li bajêr, 553 avahî hilweşiyane, herî kêm 200 kes jiyana xwe ji dest dane
Hate ragihandin tîmên alikariyê piştî 17 saetan dest bi lêgerînê kirine.
Welatiyên li ber kavilan sekinîne bertekên xwe yên li dijî desthilatê anî ziman.
Navenda erdhejê mereşê hîna gelek cenaze û kes di binê xirbeyên avahiyan de ne
Li navçeya Bazarcix a Mereşê ku navenda erdhejê bû, şêniyên herêmê şeva xwe di bin baranê de li derve derbas kirin.
Hîn jî gelek cenaze di binê xirbeyên avahiyan de ne.
Li navçeya Elbistan û gundên wê, ti karekî rizgarkirinê nehatiye destpêkirin.
Ji doh ve berf lê dibare û agahî ji gelek gundan nayê wergirtin.
Xelkên Meletî heya vê kêliyê jî benda alikariya dewletê ne
Piştî erdhejên li Meletiyê yên bi pileya 7,7’an û 7,6’an, erdhejên peyhatî çêdibin.
Hate ragihandin, îro saet li dor 10:11’an li navçeya Şîro ya Meletiyê bi pileya 5,5’an erdhejek çêbû.
Bi sedan avahî hilweşiyan, gelek kes di binê xirbeyan de mane.
Rewşa hewayî pir tund e û şêniyên herêmê heya vê kêliyê jî benda alîkariyê ne.
Li Amedê karê lêgerîn û rizgarkirinê dewam dik
Li Amedê jî ku 23 avahî hilweşiyan, karê lêgerîn û rizgarkirinê dewam dike.
Platforma Piştevanî û Parastinê ya Bajêr a Amedê diyar kir ku 92 kes mirine, 874 kes birîndar bûne.
Li Rihayê gel li kolanan dimînin û li benda alîkariyê ne
Li Rihayê û navçeyên wê jî nêzî 60 avahî hilweşiyan.
Hate ragihandin ku 43 kesan jiyana xwe ji dest dane, zêdeyî 100 kes birîndar bûne.
Şêniyên bajêr li kolanê dimînin û benda alikariyê ne.
Ji gelek herêmên hatayê re tîmên lêgerîn û rizgarkirinê nehatine şandin
Ji gelek herêmên Hatayê re jî hîn tîmên lêgerîn û rizgarkirinê nehatine şandin.
Li bajêr ku bi hezaran kes di binê xirbeyan de mane, şêniyên herêmê şeva xwe li derve derbas kir.
Hejmara kesên di binê xirbeyan de ne nayê zanîn.
Ji gelek taxên navçeyê û bejahiyê agahî nayê wergirtin.
Li hewşa nexweşxaneya dewletê ya hatayê bi dehan cenaze hene
Ev dîmen jî ji nexweşxaneya dewletê Hatayê ye û tê gotin beşa lezgîn ji xizmetê derketiye.
Wekî ku di dîmen de jî xuya dike bi dehan cenaze li baxçeya nexweşxanê ne.
Bilançoya Dawî: 3 hezar û 549 kesan jiyana xwe ji dest dan, 22 hezar jî birîndar in
Li gorî daxuyaniyên rayedarên dewleta Tirk
Di erdhejê de heta niha 4 hezar û 544 kesan jiyana xwe ji dest daye û 26 hezar 721 kes jî birîndar bûne.
https://youtu.be/tcjGM2oE0rs
https://youtu.be/gDkoQ0CuISE
