Encama erdheja li Bakurê Kurdistanê ku bandora wê li bajarên Sûriyê jî kir, çîrokên bi êş bi xwe re anî... Kelemeke bê dawî û hêviyên rizgarkirina kesên di bin kavilan de her dimînin. Daykeke Şirnexê ya 110 salî jî kefenê xwe diyarî mexdûrên Erdhejê dike û dayîkek Efrînê jî bi mewala xwe banga alîkariya gelê Cindirêsê dike.
Erdheja ku li Bakurê Kurdistanê û Suriyê di 6’ê Sibatê de pêk hat êşek mezin bi xwe re anî…
Gelek çîrokên bi êş ji vê erdhejê derketin…
Di wê rojê de qêrîna bi hezaran mirovan bilind bû…
Gel li kêleka malên xwe yên hilweşiyayî de bi hisreta dîtina kesek ji malbatên xwe rûniştine..
Bi dilekî şewat li benda hêviyekê ne ku zarok, dayîk, bav yan jî yek ji xizmên wan sax mabin…
Ev yek wijdanê mirovatiyê hejand û her kes ji bo alîkariya bi mexdûrên erdhejê ketin nava tevgerê…
Dayikek 110 salî kefenê xwe diyarî mexdûrên erdhejê dike
Fotoyê dayîka ji Şirnexê ya dil bi êş jî bala her kesî kişand.
Dayê Xezal bi temenê 110 salî rahiştiye kefenê xwe û diyarî mexdûrên erdhejê dike û dibêje: Bil kefenê min yê sipî kesên di bin kavilan de mane rizgar bike.
Bila kefenê min kesên ku jiyana xwe ji dest dane bibêçe û wan ji vê êşê xilas bike.
Bi hezaran çîrokên bi vî rengî hene û bi hezaran kesî jî destê alîkariyê dirêjî malbatên mexdûrên erdhejê kirin.
Erdheja li Bakurê Kurdistanê bandora xwe li gelek bajarên Sûriyê û Bakur û Rojhilatê Kurdistanê jî kir…
Jineke Efrînê bi mewla xwe ya li ser erdhejê hewara xwe digihîne cîhanê
Di nav kavilan de cenaze tên dîtin û gelek jî di bin kavilan de mane.
Ziyana wê ya herî gelek, li bajarê Cindirêsê bû.
Bi hezaran kes ji ber erdhejê jiyana xwe ji dest dan.
Û gelek ji wan jî di bin kavilan de mane hiştin.
Êşa gelê Cindirêsê her ku diçe zêde dibe.
Tu kes alîkariya wan nake û çeteyên girêdayî dewleta Tirk jî nahêle ku alîkarî derbasî bajar bibe.
Terkî mirinê hatine kirin û hîna jî bi hezaran di bin kavilan de bi hêviya rizgarkirinê ne.
Dayîkeke Efrînê ev kelem bi mewalekê ragihand…
Di mewala xwe de dayîk banga alîkariyê ji bo gelê Cindirêsê dike…
Di mewalê de tê gotin, çi qedera reşe di serê kurdan de digerîne.
