Partiya Karkerên Kurdistanê PKK’ê derbarê erdhejên ku li Rojava û Bakurê Kurdistanê çêbûyî de daxuyaniyeke nivîskî weşand. PKK’ê daxuyaniyek da û got: Desthilata AKP’ê ku tedbîr negirtibûn, berpisê zêdebûna qurbaniyên erdhejê ye.
Partiya Karkerên Kurdistanê PKK’ê derbarê erdhejên ku li Rojava û Bakurê Kurdistanê çêbûyî de daxuyaniyeke nivîskî weşand.
Daxuyaniya Komîteya Rêveber a PKK’ê wiha ye:
PKK: Hesabên kiryarên faşîzma AKP-MHP’ê wê yek bi yek bêne pirsîn
“Weke Tevgera Azadiyê ya Kurdistanê û gelê Kurd ku di salvegera 24’an a komploya 15’ê Sibatê de, felaketeke duyemîn a mezin bi serê me de hat û em pê hejiyan.
Ev erdheja ku çêbûyî bandor li Kurdistan, Tirkiye û Sûriyeyê kir û dikare jêre bê gotin karesata sedsalê.
Em êşa her kesî parve dikin ên ku erdhejê bandor li wan kirine
Weke gelê kurd û Rojhilata Navîn windahiyên me gelekî giran e, êşa me gelekî mezin e.
Yên ku vê erdhejê bandor lê kiriye em êşa wan hemûyan parve dikin.
Em sersaxiyê ji gelê xwe, Tirkiyê û Suriyê re dixwazin û ji birîndaran re jî şifayê.”
Dewlet û desthilatdariya ku civakê dixapîne, dikuje
PKK’ê balkişand ser navenda erdhejê ku Mereş bû û ji bo wê tedbîr nehatibûn girtin û got: “Ji ber tedbîrên cidî nehatin girtin û avahîsazî ne li gorî erdhejê bûn, bû sedem ku keraseteke ewqasî mezin rû bide.
Bi dehan milyar dolarên bi salan e bi gotina ‘ji bo erdhejê ye’ ji civakê hatin komkirin, ji bo vê armancê nehatin bikaranîn, pêşkêşî alîgirên AKP-MHP’ê hatin kirin.
Lewma erdhej nakuje, wernegirtina tedbîrên pêwîst û xemsarî dikuje.
Dewlet û desthilatdariya ku bi fen û derewan civakê dixapîne dikuje.”
Desthilatdariya AKP-MHP’ê berpirsyarê esasî ye
PKK’ê her wiha anî ziman ku rêveberiya AKP-MHP’ê ya ku dibêje ‘Ez li hemberî erdhejê tedbîran werdigirim’ diyar e ku ti tedbîr negirtiye û wiha dewam kir:
AKP-MHP’ê bi ragihandina ‘Rewşa Awarte’ re hewl dide encamên hilbijartinê siyasî bike û li ser vê bingehê temenê desthilatdariya xwe dirêj bike.
Li şûna ku li benda dewletê be, divê bi rêxistiniya civakî çarenûsa xwe diyar bikin
” Berpirsyarê esasî yê ewqas xisar û mirinan, rêveberiya AKP-MHP’ê ye.
Me ji gelê xwe yê li Başûr û Rojhilatê Kurdistanê xwest ku piştevaniyê bi Bakur û Rojava re bikin.
Bi feraseta ‘Ez ê tiştekî ji dewletê hêvî nekim’ berê şoreşgeran û hêzên welatparêz di asta seferberiyê de da karê rizgarkirinê û rakirina enqazan.
Her kesên ji xwe re dibêje ez mirov im, divê derfetên xwe bi mexdûrên erdhejê re parve bike.
Li ser vê bingehê em careke din êşa gelê xwe yê ku zerar ji erdhejê dîtiye parve dikin.
Em bang li her kesî dikin ku hîn bi xurtî piştevaniyê bikin.”
