Ji bo dawîkirina şer zêdetir, ji bo dijwarbûna şerê li Ukrayna hewildan tên kirin.
Wezîrê Parastinê yê Amerîka Austin dibêje, çekên di demên dawiyê de ji bo Ukrayna hatîn şandin, wê di werza biharê de bandoreke mezin çêbike.
Ukrayna ragihand ku ji 36 moşekên Rûsyay yên li dijî herêmê hatine avêtin, 16 hatine bêbandrokirin.
Di vê navberê de Enstituya Lêkolînên Stratejîk a Navnetewî (IISS) diyar kir ku tankên Rûsya li ber tinebûnê ne.
Şerekî ku dawiya wê xuya nake.
Piştî Şerê Cîhanê yê Duyemîn, li Ewropa şerê herî demdirêj pêk tê.
Artêşa Rûsya ya heta niha daxwazên xwe pêk ne aniye, hêza xwe komî serhev dike.
Li pêşberî vê, welatên rojava jî şandina çekan bo Ukrayna didomînin.
Dewletên Yekbûyî yên Amerîka (DYA) ya ji roja despêkê ve alîkariya çekan bû Kîevê dike, ji serketina wê bawere.
Wezîrê Parastinê yê Amerîka Lloyd Austin têkildarî çekên ku demên dawî ji bo Ukrayna hatine şandin axivî.
Austin diyar kir ku ev çek wê ferqeke mezin di şer de çêbike û got:
Tişta em dibînin, Rûsya hewil dide pir kesan tevlî şer bike.
Ev kes ne xwedî tecrûbe û pêwistiyên wan yên leşkerî jî kêmin.
Ji ber wê em dibînin ku gelek ziyanê dibînin.
Austin anî ziman ku armanca wan ew e bi awayekî hîn zêdetir xurtkirina hêza Ukrayna ye.
Ukrayna: Ji 36 moşekên Rûsya 16 hatin bêbandorkirin
Sererkanê Ukraynayê Valeriy Zaluzhny ragihand ku ji 36 moşekên îro danê sibê ji aliyê artêşa Rûsyayê ve hatin avêtin, 16 jê hatine bêbandorkirin.
Zaluzhny diyar kir ku hêzên Rûsyayê di saetên serê sibê de careke din êrîşên moşekî pêk anîne.
Zaluzhny bal kişand ku artêşa Rûsyayê ji hewa û deryayê ve, 36 moşek avêtine û got:
16 ji wan ji aliyê hêzên parastina hewayî ya Ukraynayê ve hatine bêbandorkirin.
Alarma êrîşên hewayî li gelek deverên Ukraynayê dewam dikin.
IISS: Şer bi Rûsya dide windakirin; Ukrayna jî bihêz dike
Enstîtuya Lêkolînên Stratejîk a Navneteweyî (IISS) rapora xwe ya bi sernavê “Balansa çekan a 2023” weşand.
Di raporê de, eşkere kir ku ji ber şerê Ukraynayê, Rûsyayê di hêza leşkerî de, lewaz dibe û ziyan li piraniya çekên wê yên nûjen jî dibe.
Di raporê de hat ragihandin ku Ukraynayê bi alîkariya leşkerî ya ji derve artêşa xwe bi temamî nûjen kiriye,.
Di rapora ku cihekî girîng daye şerê li Ukraynayê de hate gotin;
Rûsya bi seferberiya îlankirî re xwest windahiyên xwe yên leşkerî derbas bike.
Lê leşkerên nû bê tecrûbe ne.
Enstîtuyê diyar kir ku stokên tankên Rûsyayê jî dihelin.
