Hikumeta Şamê heta niha avahiyên fakulteyên zanîngeha Helebê yên ku ji ber erdhejê ziyan dîtine, sererast nekiriye.
Bi vê yekê jiyana bi hezaran kesî dixe metirsiyê.
Xwendekarên zanîngehê bêxemiya hikumetê rexne kir.
Ji ber erdhejên ku 6 û 20ʹê Sibata borî çêbûn, ziyaneke mezin gihaştin avahiyên fakulteyên zanîngeha Helebê.
Lê heta niha hikumeta Şamê tu girîngî nedaye sererastkirina avahiyan.
Bi vê yekê jiyana bi hezaran xwendekaran, karmend û kadroyên perwerdeyê di xetereyê de ye.
Beriya erdhejê xwendekaran nîvê ezmûnan li fakulteyan xwe pêşkêş kirin ..
Piştî erdhejê jî nîvê din ji 4ʹê Adarê heta 16ʹê Adarê ve li fakulteyên zirardîtî pêşkêş kirin.
Betlanaya navîn a sala perwerdeyê ku ji 16ʹê Adarê heta 2ʹyê Nîsanê dirêj kir..
Derfetek bû ku avahiyên ziyandîtî werin sererastkirin..
Lê hikumeta Şamê çavê xwe li vê yekê girtiye.
2ʹyê Nîsanê werza duyemîn a sala perwerdeyê dest pê kir .
Hikumeta Şamê li hin fakulteyên ku pêwîstiyan wan bi sererastkirinê hene, stûneke tenê dan.
Xwendekaran hikumeta Şamê ji ber xemsariyê rexne kir.
Xwendekarekî ku navê (H.M) di sala 3ʹyan de li fakulteya endazyariya teknîkî li zanîngeha Helebê dixwîne got:
“Zanîngeh ji bo xwendekaran û karmendan êdî bûye cihê tirsê.
Hejmara kesên ku niha dewam dikin li gorî werza berê pir kêm e.
Berê xema me xwendin tenê bû, lê niha rewşa zanîngehê mirov dîn dike.”
(M.H) jî ji aliyê xwe ve got:
Ji bo sererastkirinê tu karekî ser erdê ji aliyê hikumeta Şamê ve nehatiye kir ..
Me tu komîteyên tespîtkirina rewşa avahiyên zanîngehê nedîtin.
Me tu sererastkirin jî nedît.
Em nizanin wê kengî girîngiyê bibin giyanê me.”
Li zanîngehên Helebê zêdetirî 111 hezar xwendekar hene..
Zanîgeha Helebê di sala 1958ʹan de hat avakirin..
Ji wê demê ve piraniya fakulteyan nehatine rastkirin û bi erdhejê de bi awayekî mezin ziyan dîtin.
