Endama Konseya Serokatiya Giştî ya KCK’ê Sozdar Avesta, ji bo Cejna Çarşema Serê Nîsanê peyameke pîrozbahiyê şand şahiya Şengalê. Sozdar Avesta der barê siyaseta qirêj a li ser Şengalê de ev hişyarî da: “Dixwazin îradeya Ezdîtayiyê li Şêxanê, li Laleşa Nûranî dîl bigirin. Divê kes neyê van lîstikan, Hazim Beg dev ji kêmasiyên xwe berde û Meclisa Ruhanî jî van lîstikan bibîne.”
Civaka Êzidî, îro bi coş û kelecaneke mezin Cejna Çarşema Serê Nîsanê pîroz dikin.
Bi vê boneyê Endama Konseya Serokatiya Giştî ya KCK’ê Sozdar Avesta peyameke bi deng şandiye şahiya Şengalê.
Sozdar Avesta destpêka peyama xwe Çarşema Serê Nîsanê li tevahiya civaka Êzidî pîroz kir û bal kişand li ser siyaseta qirêj a li ser Şengalê jî û ev hişyariyên girîng dan:
” Îro em dibînin li ser civaka me ji gelek milan ve êrîşên cûr bi cûr têne kirin.
Îro em dibînin bi van lîstikên xwe careke din nîşan didin ku dixwazin îradeya Ezdîtayiyê di Şêxan de, di Laleşa Nûranî de dîl bigirin.
Divê kesek neyê van lîstikan.”
Ez bang li Hazim Beg jî dikim, divê xwe şaş neke. Kêmasiyên ku dike dest jê berde, ew wî nabe tu cihî. ”
Sozdar avesta: Rêbertî di ber civaka Êzidî de kedeke mezin da
Sozdar Avesta destnîşan kir ku Rêber Apo di ber civaka Êzidî kedeke mezin da û ev got:
“Rêber Apo keda xwe li ber hemû gelan heye, li ber civaka me ya Êzidî de jî kedeke mezin daye.
Di Cejna Êzî ya 1998’an de peyama pîrozbahiya Rêber Apo wisa dibêje: ”Ez ji herkesî zêdetir ê we me, ez ewladê we me, ez di xizmeta we de me. ”
Rêber Apo xwe weke xizmatkarekî azadiya civakê, azadiya jinê dît û wisa jî têdikoşe.”
Her wiha da zanîn ku Rêber Apo Ezdatiyê zindî û nûjen kir û got:
“Fikir û felsefeya Rêber Apo, ew Ezdîtayiya ku li ber mirinê bû careke din xwîna teze lê zêde kir, Ezditayî zindî û nûjen kir, bi nirx kir.
Civaka me ya Ezidî ne ya berê ye. Xwedî rêxistin e, xwedî parastin e, xwedî pergal e.”
Sozdar Avesta: Jina Êzidî xwe kiriye îradeyeke mezin
Sozdar Avesta diyar kir ku Jina Êzidî xwe kiriye îradeyeke mezin û wiha bal kişand li ser rol û têkoşîna wê:
“Jina Êzidî êdî xwe kiriye îradeyeke mezin û keçên ciwan pêşengtiya vê dikin.
Dayikên me bi berxwedana xwe têkoşînê mezin dikin.
Ciwanên Êzidxanê 8 sal in li hemberî hemû êrîşan, YBŞ, YJŞ, Asayîşa Êzîdxanê xwe mezin dikin û parastina xwe dikin.”
