Namzetên Partiya Çepên Kesk ên Mêrdînê, Enqere û Êlihê diyar kirin ku hilbijartin dê qedera jinan diyar bikin.
Namzetên jin bang li her kesî kirin ku dengê xwe ji bo hilbijartinan bi kar bînin û bi hev re li dijî desthilatdariyê têbikoşin.
Namzetên Partiya Çepên Kesk ên Mêrdînê, Enqere û Êlihê derbarê hilbijartinan de axivîn.
Di vê derbarê de namzeta Partiyê ya Mêrdînê Leyla Kaya axivî û tv tişt anî ziman:
Partiya me ji bo jin, zarok, civak, xweza û çandê rêya 3’yemîn e.
Em wek jin di nav partiyê de dikarin xwe bidin xuyakirin û gotinên xwe bibêjin.
Ji xwe mirov nêzîkatiya partiyê ya li hemberî jin, zarok, xweza, civak, ol û çandê dibîne.
Ji ber vê yekê ez ji Partiya Çepên Kesk de bûn namzet.”
Leyla Kaya diyar kir ku ev hilbijartin dê qedera gel diyar bike û ev bang li gel kir:
“Ev hilbijartin qedera jin, zarok, ciwan û hemû gelan dê diyar bike.
Ev hilbijartin dê bibe tunebûna pergala zayendperest û nîjadperestiyê.
Ji ber vê yekê jî divê di serî de hemû hilbijêr û gelê me xwedî dengê xwe derbikeve.
Û biçin dengê xwe bikar bînin.”
”Hêza ji 8’ê Adarê hatî girtin em ê bibin 14’ê Gulanê”
Namzeta partiyê li Enqereyê Selma Gurkan jî derbarê mijarê de axivî û got:
”Em li parlamentoyê bi cih bibin em ê wek nûnerên gel peywira xwe bînin cih.
Banga me ew e ku ji bo edalet, demokrasî û mafê gelan em bi hev re têbikoşin.
Divê em hemû peywira xwe bînin cih. Kesên azadiyê dixwazin divê têbikoşin.
Me hêza ji 8’ê Adarê girt bir Newrozê.
Hêza me ji Newrozê girt em ê bibin 1’ê Gulanê û ji wir jî bibin 14’ê Gulanê.
Em ê rejîma yekmêrî bişînin.”
Nûrten Ertûgrûl: Ji bo azadiyê divê desthilatdarî bê şandin
Namzeta partiyê ya Êlihê Nûrten Ertûgrûl piştrast kir ku divê desthilatdarî tê biçe.
Nûrten got: ”Li Êlihê komkujiya jinê û windahiya jinê gelekî zêde ye.
Di nava 21 salên derbasbûyî de 7 hezar û 500 jin hatin kuştin.
Tenê di dema Peymana Stenbolê de komkujiya jinan hinekî kêm bû.
Lê piştî ku peyman hate betalkirin gelekî zêde bû.
Emê li dijî vê betatkirina biryarê têbikoşin. Divê ev desthilatdarî têk biçe.
Ji bo azadî, ewlehî û paşeroja zarokan divê ev desthilatdarî bê şandin.”
