Dorpêça hişk a Hikûmeta Şamê ya li ser Şehbayê dewam dike.
Ev dorpêç metirsiya bobelateke mirovî derdixe holê.
Li herêmê sotemenî nemaye.
Ji lew re jenerator hatine rawestandin û ji duh êvarê de xelkê li herêmê di tariyê de ye.
Êdî gaz bi kilo tê kirîn.
Temaşekirina telefizyonê û şopandina geşedanên li herêmê jî bûye hesrat.
Koçberî, dorpêş, û êriş.
Koçberên Efrînê ku bi darê zorê hatin koçberkirin rû bi rûyî êrişa ne.
Bi ser de jî Hikumeta Şamê dor li wan girtiye.
Li vir dorpêçkirina Şehba roj bi roj asêtir dibe.
Nexweşî belav dibe ,her tirş li ber xilasiyê ye.
Jiyana bi dehhezaran kesî di metirsiyeke mezin de ye.
Di Tebaxa 2022’yan de hêzên hikumeta Şamê dorpêça li ser kantonê girantir kir.
Derbaskirina derman, sotemenî û xwarin qedexe kir.
Bi vê yekê hewl dide berxwedana koçberên efrînî têk bibe.
Dorpêça giran meha xwe ya 9’emîn temam kir.
Di encamê de jî rewşa koçberên efrînî û şêniyên kantonê xerabtir bû.
Di van 9 mehan de hikumeta Şamê tenê ji sedî 20`ê pêdiviyên şêniyên kantonê yên mazotê derbas kirin.
Di encamê de jî çûn û hatin û veguhastina di nav navçe û bajarokên kantonê de zehmettir bû.
Di 27’ê vê Nîsanê de jî ji ber qutbûna mazotê rêveberî kehrebe bi temamî qut kir.
Dorpêçê bandorê li hemî aliyên jiyanê kiriye
Li kantonê her lîtreyeke mazot bi 7 hezar heta 8 hezar lîreyên sûriyeyê tê frotin.
Lîtreya benzînê jî bi 11 hezar heta 13 hezar lîre ye.
Ji ber wê jî piraniya şêniyên kantonê zivistana borî bi şewitandina bermahiyan û plastîkê derbas kir.
Dorpêç bandor li hemû aliyên jiyanê yên welatiyên kantonê û koçberên Efrîn kiriye.
Şênî ji bo germkirina ava serşûştinê û pêjandina xwarinê, rêbazeke nû afirandin.
Şênî ji bo wê Pabûr bi kar tînin.
Ev babûr bi kaz tên pêxistin, lê ji ber ku kaz ji mazotê bihatir e.
Xwiya dike heger rewş bi vî rengî dewam bike dê bobelateke mirovî derkeve holê.
