Tifaqa Ked û Azadiyê li ser hilbijartinên 14’ê Gulanê daxuyaniyek weşand û piştgiriya xwe a ji bo namzetê Serokomariyê eşkere kir.
Tifaqê diyar kir Tirkiye di nava hilbijartina herî girîng a dîroka xwe de ye û got: “Em bang dikin di hilbijartinên Serokkomariyê de dengê xwe bidin Kemal Kiliçdaroglû, di hilbijartinên parlamenteriye de jî dengê xwe bidin Tifaqa Ked û Azadiyê,”
Piştî 15 rojên din wê li Tirkiye hilbijartina Serokomarî û Parlamentoyê pêk bê.
Ji bo têkbirina faşîzmê ya li ser sindoqan dem nêz dibe.
Tifaqa Ked û Azadiyê li ser hilbijartinên 14’ê Gulanê daxuyaniyek çapemeniyê da û biryarek girîng ragihand.
Tifaqa Ked û Azadiyê: Tirkiye di nava hilbijartina herî girîng a dîroka xwe de ye
Tifaqê diyar kir di nava şert û mercên krîza piralî de Tirkiye di nava hilbijartina herî girîng a dîroka xwe de ye û wiha got:
“Li gel zexta siyasî û şert û mercên newekhev ên propagandayê, têkoşîna xwe ya ji bo rizgarkirina paşerojê di dengdana 14’ê Gulanê de dixwaze bi ser bixîne.
Kevneşopiya gelên Tirkiyê û bindestan heta niha li hemberî feraseta faşîst û otorîter rêya berxwedanê û serketinê hîn kiriye û bi rêxistin kiriye.”
Tifaqa Ked û Azadiyê bi bîr xist şoreşger, demokrat û bindestên gelên Tirkiyê bi navê Tifaqa wan de li hev kom bûne û got:
Me biryar dan ku di hilbijartinên Serokkomariyê de namzet nîşan nedin û di hilbijartinên parlamentê de jî di bin sîwana tifaqê de tevlî bibin.”
Tifaqa Ked û Azadiyê: Bo serokkomariyê dengê xwe bidin Kiliçdaroglû
Di dewamê de Tifaqa Ked û Azadiyê biryara xwe a ji bo piştgiriya namzetê Serokkomariyê eşkere kir û ev tişt anî ziman:
“Di vê pêvajoya diyarker a siyaseta Tirkiyê de hem ji bo bicihanîna wezîfeya xwe ya dîrokî, hem jî ji bo paşeroja nifşên nû, me biryar dan ku berpirsyariya xwe bi cih bînin.
Di vê çarçoveyê de di hilbijartinên serokkomariyê de me biryar dan ku piştgiriyê bidin Kemal Kiliçdaroglû û em vê biryara xwe bi raya giştî re parve dikin.”
Dengên parlamenteriyê ji bo Tifaqa Ked û Azadiyê
Tifaqê anî ziman di vê hilbijartinê de bidestxistina serketinê ya li dijî faşîzmê ne tenê qezençkirina hilbijartina serokkomariyê ye û ev yek got:
“Yek ji qadên herî girîng ên ji bo lawazkirina faşîzmê Meclîs e û girîng e serwerî li ser meclîsê bê çêkirin.
Ji bo vê jî em bang li gelên Tirkiyê dikin ku di hilbijartinên parlamenteriyê de dengê xwe bidin Tifaqa Ked û Azadiyê.”
