Nerazîbuna civaka Êzizî ya li ser vegerandina malbatên ku di komkujiya2014’an de hevkari bi DAIŞ’ê re kirine dewam dike. Li ser hêrsa Êzidiyan, doh du kes ji aliyê polîsên Iraqê ve hatibûn binçavkirin. Têkildarî mijarê Serokeşîrên Êzdiyan bertek nîşanî vê hewldanê dan û diyakirin ku pilanên qirêj li ser Êzidiyan hene, ger Êzidî venegerin ser axa xwe, wê xeteriyên mezin bibînin.
Emin El-Wetenî û Artêşa Iraqê doh çend malbatên ku 2014’an hevkariya DAIŞ’ê kiribûn vegerandin Şengalê.
Lê piştî ku jineke ciwan ferq kir kesên bi DAIŞ’ê re tevgeriyane di nava wan malbatan de heye, civaka Êzîdî rabûn ser piyan û nerazîbûn nîşan dan.
Li ser hêrsa gel, du kes ji aliyê polîsên Iraqê ve hatin binçavkirin
Li ser hêrsa Êzidiyan, du kes ji aliyê polîsên Iraqê ve hatin binçavkirin.
Lê civaka Êzîdî ji polîsên federal xwest herdu kesên hatine binçavkirin teslîmê Asayîşa Êzîdxan û YBŞ’ê bikin
Destpêkê polîsên Iraqê daxwazê redkirin, lê li ser hêrsa gel neçar ma, bi berpirsên Asayîşa Êzîdxanê û YBŞ’ê re bicive.
Piştî hevdîtinê daxwaza gel bicîh hat û girse jî belavbû.
Nêrazîbûn û hêrsa gel a li dijî vê yekê dewam dike
Nêrazîbûn û hêrsa gel a li dijî vê yekê dewam dike.
Têkildarî mijarê Serokeşîrên Êzdiyan axivîn û bertek nîşanî vê hewldanê dan.
Serokeşîrên Êzidîyan bang kirin: Vegerin ser axa xwe
Serokeşîrên Êzidiyan diyakirin ku pilanên qirêj li ser Êzidiyan hene, ger Êzidî venegerin ser axa xwe, wê xeteriyên mezin bibînin û gotin;
“Şengal cihê herî bi ewle û arame, êdî dema wê hatiye gelê me bi xwe parastina xwe bike û xwedî li axa xwe derbikeve.”
Simoqiya Saet Melhim: Pêwîste gelê me li hember pilanên qirkirinê rabe
Ji serokeşîrên Simoqiya Saet Melhim li ser mijarê axivî û got; “Divê gelê me bi xwe zanibe eger em ji xwere nekin, wê tu kesek ji mere neke.
Kîjan ol dibe û li kuderê be, eger ji xwere nekî û xwe bi xwe parastina xwe nekî û li axa xwe xwedî dernekevî, tuyê qir bibî. .”
Hecî Mîrza: Şengal cihek pîroz e divê gelê me yê koçber vegere
Her wiha ji serokeşîrê Qîraniyan jî Hecî Mîrza jî li ser vegera Şengalê wiha got; “Îro dem hatiye gelê me vegere ser axa xwe, ji ber ku eger em li ser axa xwe venegerin wê hemû tiştê me ji destê me biçe.
Ji eşîr û axa me bigire heya malên me wê ji destê me biçin. ..”
