Li Bakur hilbijêrên Kurdistanî di saetên zû yê sibê de berê xwe dan sindoqan.
Coş û kelecena gel a ji bo diyarkirina paşerojek bi azad di asta herî jor de bû.
Gel bi coşeke mezin çûne ser sindoqan û bi kelecanek mezin dengê xwe vi kar anîn.
Kesên ku dengê xwe bi kar anîn qala serkeftinê kirin û gotin:
“Îro, ew roj e. Îro roja serketinê ye”
Di çarçoveya hilbijartinan de li Bakur hilbijêrên Kurdistanî jî di saetên zû yê sibê de berê xwe dan sindoqan.
Coş û kelecena gel a ji bo diyarkirina paşerojek bi azad di asta herî jor de bû.
Amed-Ciwan bi nîşaneyên serkeftinê çûn ser sindoqan
Yek jin wan deveran bajarê Amedê ango paytexta Kurdistanê bû.
Li Amedê bi giştî 3 hezar û 737 sindoq hatin danîn û milyonek û 143 hezar hilbijêr dengê xwe bikar anîn.
Li baxçeyên dibistanan ên navçeya Rêzana Amedê ji ber tevlibûna zêde, dorên dirêj çêbûn.
Ciwanên ku dê cara yekem dengê xwe bikar anîn, bi nîşaneyên serkeftinê çûn ser sindoqan û gotin:
“Îro, ew roj e. Îro roja serketinê ye”
Li Dêrsimê tevlibûneke zêde hebû
Yek ji bajarê herî zêde polîtîkayên şerê taybet û zext li ser lê tên meşandin Dêrsim e.
Tevî wê jî Dêrsîmiyan herikîn ser sindoqan p bi kelecaneke mezin dengê xwe bi kar anîn.
Ferît Şenyaşar: Me ji bo pêşerojeke demokratîk peywira xwe bi cih anî
Li aliyê din malbata Şenyaşar ku 783 roj in Nobeta Edaletê digire dengên xwe dan û gotin:
Dayika Emîne Şenyaşar û Ferît Şenyaşar li navçeya Pirsûsê dengên xwe dan.
Ferît Şenyaşar ê di heman demê de namzetê parlamenteriyê yê Partiya Çepên Kesk e, piştî ku dengê xwe da wiha got:
“Me ji bo pêşerojeke edalet û demokratîk peywîra xwe bi cih anî.”
Hilbijêrê felc bûye ji nexweşxaneyê hat raya xwe da
Li Bodrûmê jî Necdet Ogûz ê 71 salî ku mehek berê felc bû, ji nexweşxaneyê ku lê tedawî didît cû cihê dengdanê û dengê xwe da.
Necdet Ogûz diyar kir ku ev hilbijartin gelek girîng e û got:
“Tevî ku ez nexweşim jî min xwest ez werim dengdayînê. ji ber ku ev hilbijartin şansê dawî ye.
Ez bawerim wê îro tiştek biguhere û ez gelek kêfxweş im.”
