KCK’ê ragihand ku hikûmeta Iraqê bi tundî li dijî gelê Mexmûrê dixwaze hin biryaran bi cih bîne û bang kir ku dev ji vê helwesta xwe berde.
KCK’ê destnîşan kir ku ku li pişt vê ferzkirinê dewleta Tirk a faşîst û hevkarê wê PDK’ê ye.
Li dijî vê yekê, KCK’ê bang li hemû gel û hêzên Kurdistanê kir ku li cem gelê Mexmûrê bin û planên Tirkiyê-PDK’ê pûç bikin.
Komîteya Têkiliyên Derve ya KCK’ê ku li ser êrîşên hêzên artêşa Iraqê yên li dijî Wargeha Mexmûrê daxuyaniyek da.
KCK’ê ragihand ku hikûmeta Iraqê bi tundî li dijî gelê Mexmûrê yê li dijî êrîşên dewleta Tirk a faşîst li ber xwe dide, dixwaze hin biryaran bi cih bîne.
KCK’ê destnîşan kir ku ku li pişt vê ferzkirinê dewleta Tirk a faşîst û hevkarê wê PDK’ê ye û wiha got:
Dewleta Tirk a ku ji her aliyê ve Başûrê Kurdistanê dagir kiriye, planên berfirehkirina sînorên xwe heta Mûsil û Kerkûkê heye.
Gelê Kurdistan û Iraqê jî van armanca serokê faşîst Erdogan dizane.
Dewleta Tirk ji bo berfirehkirina operasyonên xwe yên dagirkeriyê li nava Iraqê her tiştî dike û hewl dide her derfetê bikar bîne.
Bi vê armancê Şengal, Mexmûr hwd. bi awayekî sîstematîk sûcên şer li dijî gelê me yê ku li van deveran dijîn dike, û bêhurmetiyê li serweriya Başûrê Kurdistanê û Iraqê dike.
KCK’ê diyar kir gelê Mexmûrê ku serî li ber Komara Tirk a faşîst netewand, hewil didin teslîm bigrin û got:
Ji ber vê yekê gelê me yê li Wargeha Penaberan a Mexmûrê bi salan e di bin dorpêçeke navneteweyî de ye.
Di dewamê de KCK’ê bi bîr xist Wargeha Mexmûrê kampeke di bin garantiya Neteweyên Yekbûyî û dewleta Iraqê de ye û ev tişt anî ziman:
“Bertekên ne têrker ên NY û Iraqê hîn zêdetir cesaretê dide dewleta Tirk a faşîst.
Ji bo çareserkirina pirsgirêkan û dabînkirina ewlehiya gelê me yê li Wargeha Mexmûrê berpirsyariya Neteweyên Yekbûyî û dewleta Iraqê hebû.
Tişta ku îro li Mexmûrê qewimî, nîşan da ku ev hêz ji bicihanîna erkên xwe dûr, bi sûcekî girantir hewl didin xitimîna heyî veşêrin.
KCK’ê îşaret bi êrişên bi çek yên li dijî penaberên li Mexmûrê kir û bang li hikûmeta iraqê kir ku dev ji vê helwesta xwe berde.
Komîteya Têkiliyên Derve ya KCK’ê anî ziman li gorî hin agahiyan dewleta Iraqê dixwaze hêzeke leşkerî ya mezintir bişîne ser gelê Mexmûrê û ev bang kir:
Em bang li hemû gelê Kurdistanê yê welatparêz, partî û hêzên wan dikin ku li cem gelê Mexmûrê bin, pêşî li neyîniyên muhtemel bigirin û planên Tirkiye û PDK’ê pûç bikin.
Şêniyên Mexmûrê: Heya yek ji me hebe emê nehêlin dora me bê têl kirin
https://youtu.be/9aPlSJhkCBE
https://youtu.be/E4WkN_ufnqc
https://youtu.be/yLU4ZfvQR_Y
https://youtu.be/eqW4cpzNiyM
https://youtu.be/FUysn7gkak8
