Wezîrê Derve yê hikumeta Şamê li Bexdayê ye

Doh êvarê, wezîrê karên derve yê hikumeta Şamê Feysel Mîqdad, gihişt Bexdayê.
Îro jî Feysel Mîqdad, di gel hempîşeyê xwe yê Iraqî Fuad Hisên civiya.
di gel hempîşeyê xwe yê Iraqî Fuad Hisên civiya.

Wezîrê karên derve yê hikumeta Şamê Feysel Mîqdad, li Bexdayê, di gel hempîşeyê xwe yê Iraqî Fuad Hisên civiya.

Her du wezîran, di nav de mijarên hebên hişbirê alîkariyên mirovî bo Sûriyê, gelek mijar nirxandin.

Piştî civînê, Fuad Hisên got:

“Me rewşa penaberên Sûrî, her wiha rewşa ewlekariya li Sûriyê ku yekser bandorê li rewşa ewlekariya Iraqê dike, nîşaş kirin.

Helwesta hikumeta Iraqê, destekdayîna gelê Sûriye û alîkariya wî ye.”

Wezîrê Iraqî bal kişand ser belavbûna hebên hişbirê li Iraq û Sûriyê û weha pêde çû:

” Iraq bûye bazareke hebên hişbirê û mixabin bikaranîna van heban êdî li civaka Iraqî belav dibe, ji lew re hemahengiya li dijî vê diyardeyê li Iraq û Sûriyê girîng e.”

Her çiqas li gor protokolan be jî, lê diyar e ku wezîrê Iraqê baş malovaniya hempîşeyê xwe yê Sûrî kir û hikumeta wî bi hinardekirin û bazirganiya hebên hişbirê nekir.

Beriya vegera Sûriye li Komkara Erebî, roja 1’ê Gulanê li paytexta Urdin Emanê, civîneke pêncalî hat lidarxistin.

Di vê civînê de wezîrên karên derve yên Erebistana Siûdî, Misir, Iraq, Urdin û Sûriyê beşdar bûn.

Mijara sereke ya civînê jî, hebên hişbirê ku li bendergeha Laziqiyê tên hinardekirin bû.

Di vê civînê de Iraq û Urdinê gazin ji ber derbaskirina hebên hişbirê li nava sînorên xwe kirin.

Ji ber vê yekê bazarek bi wezîrê Sûrî re pêk hat, ku li gorî wê, mercê vegera Sûriye bo Komkara Erebî, rawestandina bazirganiya hebên hişbirê bû.

Piştî qebûlkirina vegera Sûriyê li nav Komkarê bi rojekê, Urdinê êrîşek li bakurê Sûriyê pêk anî û tê de mezintirîn bazirganê hişbirê li Sûriyê hat kuştin.

Û ji ber ku berpirsyarên Sûrî di nedîtinê de pispor in, Feysel Mîqdad di serdana xwe ya Bexdayê de tu berpirsyariya welatê xwe di vê derbarê de nedît û got:

“Divê em hevkariyê li dijî belavbûna hebên hişbirê bikin.”

Wezîrê hikumeta Şamê, her wiha behsa şerê li dijî terorê jî kir, Lê gelo ew behsa kîjan terorê deke?.

Dibe ku behsa terorîstên DAIŞ’ê dikir ku QSD, YPG û YPJ ji 2014’an ve şerê wan dikin û ew li ser erdê tune kirin.

Herî dawî jî Mîqdad banga parastina serweriya Sûriye û Iraqê kir.. Em lewma jê nekin..belkî haya wî ji hêzên Rûsî, Îranî û Hizbullahê tune ye.

Back to top button