Serokê Amerîka Biden û Serokwezîrê Îngilistanê Sunak li ser Danazana Atlantîk ya hevkariya aborî di navbera herdu welatan de li hev kirin.
Brîtanya û Dewletên Yekbûyî yên Amerîka DYA li ser Danezana Atlantîkê li hev kirin.
Serokwezîrê Îngilîstanê Rishi Sunak li Koşka Spî bi Serokê DYA Joe Biden re civiya.
Piştî hatina Sunak ya li ser deshilatdariyê û heta niha, ev serdana yekem a bo Amerîkayê ye ku pêk anî.
Biden di nirxandinên xwe de got:
“Me nîqaş kir ku em çawa dikarin bidomînin û hevkarîya xwe bi pêş bixin da ku welatên me li ser devê cîhanek ku bi lez diguhere bimînin.”
Sunak bal kişand ser wê yekê ku Brîtanya wê piştî Brexitê ji bo DYA bibe hevalbendek “bawer, serbilind û azad” û got,
“Aboriyên me belkî ji Şoreşa Pîşesaziyê ve veguherîna herî mezin derbas dibin.
Sedemva vê ya sereke jî teknolojiyên nû, firsendên bêbawer pêşkêş dikin û her weha bêtir amûran ji dijminên me re peyda dikin.”
Dibe ku sekreterê giştî yê nû yê NATO Brîtanî be
Di hevdîtinê de li ser derfetên aborî, herdu rêberan teqez kirin ku ew ê wek her du welatên ku herî zêde alîkariya Ukraynayê dikin, bidomînin.
Li aliyê din Sunak li ser navê Wezîrê Parastinê yê Brîtanyayê Ben Wallace ku yek ji navên sekreterê giştî yê nû yê NATOyê derbas bû, pêşkêşî Biden kiriye.
Biden, li ser pirsa nûçegihanê BBC, gelo dema sekreterê giştî yê nû yê NATO yê Brîtanî hatiye? bersiv “Dibe ku… em li bendê bin û bibînin.”
Hevkariya sedsala 21’emîn
Di hevdîtinê de ji Ukraynayê heta Çînê, ji ewlekariya aborî heta peymana nû ya madenên krîtîk gelek mijar hatin nîqaşkirin.
Her du lîderan ji bo avakirina “hevkariya sedsala 21emîn” gihîştin peymaneke nû.
Tevî ku peymana bi navê Danazana Atlantîkê, dûr e ji peymanek bazirganiya azad a berfireh a ku di navbera her du welatan de piştî Brexit-ê hate morkirin.
Tê payîn ku ev peyman di demeke kurt de xizmeta berjewendiyên hemwelatiyên her du welatan bike.
Her çend Danazana Atlantîkê ya ku ji hêla Biden û Sunak ve hatî pejirandin ne peymanek bazirganiya azad e, lê pêşbîniya pêşxistina têkiliyên nêzîk di navbera her du welatan de di warê teknolojî, parastin û sektorên jîngehê de dike.
