Kordînasyona kongira Star derbarê êrişên domdar ên dewleta Tirk daxuyaniyek da û diya rkir ku dewleta Tirk bi êrişên xwe dijminahiya pergala demokrasî û jinê dike.
Kongra Star bang li tevahî jin û civakî kir ku xwedî li şehîdên xwe û li nirxên şoreşê derkevin.
Kongra Star li ser êrîşên berdewam ên dewleta Tirk a dagirker daxuyaniyek belav kir.
Di daxuyaniyê de hat diyarkirin ku dewleta Tirk dest ji dijminahiya xwe ya li dijî gelên herêma Bakur û Rojhilatê Sûriyê bernade û wiha hat gotin:
Kongra Star: Dewleta Tirk dijminahiya pergala demokrasî û jinê dike
“Em hemû dizanin ku dewleta Tirk li derveyî însanyetê tev digere û dijminahiya pergala demokrasî û jinê dike.
Dewleta Tirk a dagirker li şûna pergala demokratîk, hêzên tarî yên weke DAIŞ û tevgerên weke wê dixwaze.”
Kongra Star: Êrişa îro encama hevkariya dewleta Tirk û Rûsyayê ye
Kongra Star bal kişand ser êrîşa îro ya li gundê TilŞeîr ê Qamişloyê pêk hatî û got:
“Ev êrîşa îro, rasthatina wê bi civîna Astanayê re ne ji xwe ye.
Ev êriş encama hevkariya dewlata Tirk û Rusyayê ye.
“Civaka Navdewletî bi bêdengiya xwe hevkariya dewleta Tirk dike”
Mixabin tevî ev êrîş li ber çavên tevahî cîhanê tên kirin jî lê ne dewletên yekbûyî, ne yekîtiya Ewrûpa, ne koalisyona navdewletî, ne jî saziyên mafê mirovan deng ji xwe dernaxin û bi vê bêdengiya xwe ve jî hevkariya wan dikin.”
Kongra Star teqez kir, gelê herêmê yê bi salan e xwe li dijî terora DAIŞ’ê parastiye, wê xwe li hemberî êrişên dagirkeriya Tirk jî biparêze.
Ev gelê heremê yê ku bi salane xwe li dijî zulum û zordariya terora DAÎŞ’ê parastiye, wê xwe li hemberî êrîşên dagirkeriya Tirkî jî biparêz e û wiha dewam kir:
“Bi qasî ku dagirkeriya Tirk dijminahiya xeta jina azad dike, em ê jî wekî hevrêyên van şehîdên bi rûmet, heta dawiyê di rêya wan de bimeşin û bibin şopdarên xeta şehîdên xwe.”
Kongra Star di dawiyê de sersaxî ji malbat û rêhevalên şehîdan re xwest û şîfa ji birîndar re xwest û bang li tevahî jin û civakî kir ku xwedî li şehîdên xwe û li nirxên şoreşê derkevin.
