Mîna jina têkoşer Yusra Derwêş, Lêman Şiwêş jî bi salan e di asta pêşeng û rêveberiyê de, ji bo welat û civaka xwe bê hesab xizmet kir.
Ji bo avakirina jiyanekî tijî xweşî û azadî bê teredud xebat meşand.
Mîna bi dehan jinên têkoşer, xwedî soza gotinê bû.
Em behsa jina têkoşer, Lêman Şiwêş dikin.
Cîgira Hevseroka Kantona Qamişlo Lêman Şiwêş, navê tevgerî Reyhan Amûdê ye.
Sala 1968 li Amûdê di nava malbatekî welatparêz de jidayik dibe.
Mîna gelek zarokên kurd ji ber şertê jiyanê, tenê 6 salan dixwîne.
Malbata Lêman ji 9 xuşik û 7 bira pêk tê û ji eşîreya Gergeriye ne.
Ji ber naskirin û girêdana mabatê bi tevgera Azadiya Kurdistanê ve, Lêman jî di bîreweriya xwe de ji bo bersivdayîna hemû nakokiyan, êdî riyekî nû dide pêşiya xwe.
Firka Rêber ocalan a azadiya jin, civakê û netewa demokratîk baş fam dike û li ser vê rêçê êdî gavan tavêje.
Sala 1994 li Saha Serokatî perwerdeyê dibîne û bi vî awayî ji bo kurdistaneke azad û jiyaneke bi rûmet dest bi kar dike.
Li beşên kurdistanê û derveyî welat xebat dike û weke her kurdeke welatparêz û jinek xwedî îrade rastî zextan jî tê.
Di navbera sala 2002-2003 dema ku li Başûrê Kurdistanê xebat dide meşandin ji aliyê PDK’ê ve tê girtin û 6 mehan di zindanê de dimîn e.
Piştî tê berdan, navbera salên 2005-2008 li Silêmaniya Başûr, 2008-2014 Rusya, Piştî şoreşa rojava jî 2015 Rojavayê Kobanî, 2016-2019 Minbic û gelek herêmên din bê rawestan kar dike.
Gav bi gav li kêleke rêhevalên xwe yên jin di qadên şoreşê de cih girt.
Li kîjan qadên xebatê anjî herêmê pêwîstî hebe, berê xwe dida wir.
Ji bo rizgarkirina hemû jinan û rêxistinkirina tevgera jinê bi rol û misyona xwe rabû.
Van salên dawiyê jî, li başûrê kurdistanê nûnertiya kongira Star kir.
Piştî wê, vedgera rojava û vê carê wek cîgira Hevseroka Kantona Qamişlo dest bi kar dike.
Ji malbata Lêman, heme heme piraniya ferdên malbatê bi derketina tevgera Azadiyê û bi rihê germahiya şoreşa rojava re nesekinîn û erkên xwe pêk anîn.
Birayekî Lêman, xwarzî û biraziyên wî jî, tevlî tevgera azadiyê dibin.
Birayê wê Abdullah 1994 li Garzan û Biraziyê wê Amir 1998 li Metîna şehîd dibin.
Di şoreşa rojava de jî, Biraziyên wê Şivêş Minbiç 2016 û Serhad Heseke 2013 Serikani şehîd dibin.
Li ser soza bira û biraziyan, Lêman jî îro di 20 Hezîrana 2023’an de, di encama êrişa balafira dagikeriya tirk de, şehîd bû.
Jinên tekoşer Lêman Şiwêş û Yusre Derwêş, mîna Zehra Berkel, Zeynep Saroxan, Hevrîn Xelef, Jiyan Tolhildan, Yadê Eqîde û bi sedan jinên din hatin hedefkirin.
Helbet ev jî ne ji xwe bere. Ev yek dijminahiya xeta jina Azad e.
Lê soza bi sozê ve, agirê hundirê jinan gurtir dike.
