Serokê Rûsya Putin piştî îdaiyên krîza çareser bû cara yekem derket pêşiya çapemeniyê û ji bo Wagner 3 vebijêrk destnîşan kir.
Wezareta Parastinê ya Rûsya jî ragihand ku çekdarên Wagner dest bi radestkirina alavên leşkerî kiriye.
Serokê Rûsyayê Vladimir Putin bang li koma çekdarên Wagnerê kir ku li dijî artêşê serhildê nekin.
Putin piştî vekişîna serhildêran ji bo cara yekem daxuyanî bo endamên Wagner da û sê vebijark pêşkêşî wan kir.
Ew jî;
- Bi peymanekê beşdarbûna nava Wezareta Parastinê.
- Vegera li malbat û xizmên xwe.
- Çûyîna Belarûsya.
Putin ji ber pêknehatina şer spasiya çekdarên Wagner û fermandarên wan kir û got:
Piraniya endamên vê komê welatparêz in.
Putin di axaftina xwe de behsa lîderê Wagner Yevgeny Prigojin ku fermana serhildana li dijî artêşê dabû, nekir.
Her wiha diyar kir ku kesên li pişt vê serhildana gefê li hebûna Rûsyayê dixwe wê bên cezakirin.
Serokê Rûsyayê ku daxuyaniyên wî bi awayekî zindî di kanalên televizyonê de hatin weşandin, bûyer wek “Birakujiya ku dijminên Rûsyayê dixwazin” bi nav kir.
Di dema serhildanê de, deriyên bajêr di çarçoveya tedbîrên ewlehiyê yên berfireh de li Moskowê di bin kontrola tund de bûn.
Putin mirina pîlotan piştrast kir
Putin pesnê pîlotên Rûsî yên ku ji bo rêgirtin li pêşdeçûna Wagner ya ber bi Moskowê ve girtî kir û wiha domand:
“Lehengiya pîlotên qehreman ên ku xwe feda kirin, Rûsya ji encamên trajîk û wêranker rizgar kir.”
Bi vî awayî Pûtîn nûçeya ku di bûyeran de pîlotên rûsî jiyana xwe ji dest dane piştrast kir.
Li ser çend pîlotên rûsî hatine kuştin û çend firoke ji aliyê grûpa Wagner ve hatine xistin, ti daxuyaniyek fermî nîne.
Di nûçeyên di çapemeniya Rûsyayê de hat îdiakirin ku di encama xistina 3 helîkopter û balafirekê de 13 pîlot mirine.
Putin jî di civînekê de bi berpirsan re, ku di nav wan de Wezîrê Parastinê yê Rûsyayê Sergey Şoygu jî hebû, spasiya hêzên ewlehiyê yên di dema serhildanê de kir, kir.
Wagner: Armanca me lêgerîna edaletê bû
Serokê Wagner Prigojin daxwaz kir ku Şoygu û Serfermandarê Giştî Valeriy Gerasimov radestî wî bên kirin da ku “edalet” di artêşa Rûsyayê de pêk were.
Prigojin jî dimeneke 11 deqeyî weşand û got:
Armanca me ne guhertina hikumetê lê lêgerîna edaletê bû.
Wezareta Parastinê ya Rûsya ragihand ku çekdarên Wagner dest bi radestkirina alavên leşkerî kiriye.
