Krîza Wagner ya ku li nava Rûsya deng vedayî, li Afrîka ji nêz ve tê şopandin.
Hebûna Wagner ya li Afrîka, welatên li vê parzemînê jî xistiye nava fikaran.
Gelo ev yek wê bandoreke çawa bike, bi demê re wê xuya bike.
Çirûskek agirê li Rûsya, Afrîka ditirsîne.
Krîza koma çekdarên Wagner ya li dijî deshilata leşkerî a Rûsya, ji aliyê cîhanê ve tê şopandin.
Parzemîna Afrîka jî vê yekê ji nêz ve dişopîne.
Taybet, Malî û Komara Afrîkaya Navîn ku salên dirêjin di şerê navxweyî de pişta xwe dane Wagner.
Berdevkên hikûmeta Malî û Komara Afrîkaya Navîn li ser rewşê ji nirxandinê reviyan û bêdengiya xwe parastin.
Van welatan di daxuyaniyên berê de destnîşan kiribûn ku peymanên hevkariya leşkerî ne bi Wagner re, bi Rûsyayê re ye.
Rûsya jî dibêje, hebûna wan ya li Malî tenê di çarçoveya perwerdekirina hêzên wî welatî de ye.
Lê ji bo têkliyên xwe yên bi NY re xera neke, rêveberiya Malî îdia dike ku hêza li herêmê ya Wagnere.
Têkoşîna desthilatdariyê li Rûsyayê di heman demê de dikare encamên girîng ji bo Komara Afrîkaya Navîn jî bixwere bîne.
Piştî şerê navxweyî yê 2018’an li vî waletî, Wagner ji bo piştevaniya herêmê roleke sereke dileyîze.
Bandora zêde ya Wagner li Komara Afrîkaya Navîn û Malî bû sedema welatên din yên li parzemînê jî bi dilgermî nêzî wan bibe.
Vê yekê bandoreke neyînî li ser hebûna leşkerên Fransa yên li Afîrka kir.
Serokomarê Fransa Emmanuel Macron di meha Sibatê de, hebûna Wagner li Afrîkayê wekî “mîsogeriya jiyanê ya rejîmên têkçûyî yên li Afrîkayê” binav kir û got,
Ev yek wê tenê bextreşiyê bi xwere bîne.
Ajansa Reutersê jî ragihand ku rawestandina operasyonên Wagner li Afrîkayê dikare bandorê li rewşa aborî ya Wagner bike.
Çekdarên Wagner piraniya xwe li Afrîka, artêşên xwecihî perwerde dikin, kesayetên girîng biparêzin, li dijî komên terorîst şer dikin û dewlemendiya sererd û binerd diparêzin.
Amerîka di Cotmehê de, Wagner bi talankirina çavkaniyên xwezayî yên Afrîka û karanîna wê di şerê li Ukraynayê de tewambar kiribû.
Rûsyayê jî ev sûc red kir.
Li gorî belgeyên Amerîka, Wagner ya li bêtirî 8 welatên Afrîka heyî, di deh salên borî de têkiliyên xurt bi hikumetên Afrîkî re çêkiriye.
