Serokê berê yê Rûsya Medvedev bertek nîşanî peyama piştevaniya NATO ya bo Ukraynayê da û got: Êdî hemû rê hatine girtin.
Şerê Cîhanê yê 3. êdî nêz dibe.
“Êdî hemû rê hatine girtin.
Şerê Cîhanê yê 3. nêzîk dibe.”
Alîkarê Serokê Konseya Ewlekariyê ya Rûsyayê û Serokê berê Dmitriy Medvedev bi van gotinan bertek nîşanî lûtkeya NATO’yê da.
Dmitriy Medvedev di daxuyaniya xwe ya nivîskî de Lûtkeya Lîderên NATOyê ya ku li paytexta Lîtvanya Vilniusa hat lidarxistin nirxand.
Medvedev îşaret bi wê yekê kir ku dibe Ukrayna ti carî di NATOyê de neyê qebûlkirin û got,
“Tiştê ku realîstên di Hevpeymaniyê de ditirsin bi dengekî bilind bibêjin ev e.
Her wiha dê piştgiriya çekan ji rejîma Kîev re bi her awayî bê zêdekirin, di nav de mûşek, bombeyên mîsket û balafiran.”
Medvedev bi domdarî ev tişt anî ziman:
“Rojavayê dîn, nikare tiştekî din bifikire.
Ew di asta herî bilind a pêşbîniyê ya heta xala ehmeqiyê de ne.
Êdî hemû rê hatine girtin.
Şerê Cîhanê yê 3. nêzîk dibe.”
Serokê berê yê Rûsya diyar kir ku wateya van encaman ji bo Rûsyayê diyar e û got,
“Operasyona leşkerî ya taybet wê bi heman armancan bidome.
Yek ji wan redkirina endametiya NATO ya koma Nazî ya Kîevê ye ku me ji destpêkê ve li ser israr kir.
Ji ber vê yekê divê ev kom bê tasfiyekirin, ev jî pêkan û pêwîst e.”
Medvedev: Ukrayna bi bombeyên mîsket êrişî Zaporijiya kir
Ji aliyê din ve Medvedev îdiaya ku Ukraynayê li Zaporijiya bi bombeyên mîsketê êrîşî hêzên wan kiriye nirxand û wiha domand:
“Hat ragihandin ku bi bombeyên mîsket êrîşî Tokmak hatiye kirin.
Wê demê dem hatiye ku em cebilxaneya xwe ya van çekên dijmirovahî derxînin derve.”
Moskow: NATO ne li pey şerê bi Rûsyayê re ye, ew di nav de ye
Berdevka Wezareta Karên Derve ya Rûsyayê Mariya Zaxarova jî li ser hesabê xwe yê medyaya civakî derbarê Civîna Serokên NATOyê de nirxandinek kir.
Zaxarova got:
“Bêguman NATO bi Rûsyayê re nagere. NATO tenê tê de beşdar dibe.”
Zaxarova gotinên Sekreterê Giştî yê NATOyê Jens Stoltenberg nirxand û wiha got:
“Eger Ukrayna di şer de bi ser nekeve, endamtiya wê ya di NATOyê de dernakeve.”
