Lûtkeya lîderên NATO bi dawî bû, herkesê peyama xwe da û girt.
Serokomarê Ukrayna Zelensky jî bi hêviyeke mezin di lûtkeya li Lîtvanayê hate lidarxistin de cihê xwe girt.
Piştî lûtkeyê Zelensky bi îfadeyên germ û rastiyên dîplomatîk vedigere Kîevê.
Volodymyr Zelensky, di nava bendewariyên bilind de çûbû paytexta Lîtvanya Vilnius’ê.
Ew li bendê bû piştî şerê bi Rûsyayê re bi dawî bibe welatê wî wê bibe endamê NATO.
Wî dixwest ku dîroka endametiyê di hevalbendiya leşkerî ya herî bihêz a cîhanê de, çirûskek hêviyê ji gelê wî re peyda bike ku êdî leşkerên rûsî lingê xwe nedin ser axa Ukraynayê.
Lêbelê, bi kurtî ji Zelensky re hate gotin, ew ê “Piştî ku hevalbendan li hev kirin û şert û merc pêk hatin”beşdarî yekîtiyê bibin.
Li gorî Zelensky, ev yek tiştê ku tê wateya gotinek nezelal bû.
Ew her weha ji ber gotinên “piştî şerê bi Rûsyayê re” wê endamtiya wan were nîqaşkirin jî Zelensky hîn bihêrstir kir.
Civînên dualî bi dilê Zelensky bûn
Lê dema ku rêberê Ukraynayê bi hevalbendên xwe yên NATO re hevdîtinên rûbirû pêk anî, ewrê toza dîplomatîk belav bû.
Rêber bi hev re hevrikî kirin da ku jê re bibêjin ku tişt hatine guhertin û jê re dilniya bikin ku Ukrayna dê bibe NATO.
Lîderan di hevdîtinên dualî de hêviya endamtiya NATO bo Ukrayna bi dengekî hîn bilintir anîn ziman.
Serokwezîrê Brîtanya Rishi Sunak got, Ukrayna endamê yekîtiyê ye.
Sekreterê Giştî yê NATOyê Jens Stoltenberg jî diyar kir ku di roja dawî ya lûtkeyê de wek hev civiyan û di demeke nêz de jî wek hevpeyman dê bicivin.
Biden: Ukrayna ber bi rêya rast ve diçe
Serokê Amerîkayê Joe Biden jî diyar kir ku endambûn wê pêk were û got;
Ukrayna ber bi rêya rast ve diçe.
Wezîrê Parastinê yê Brîtanya Ben Wallace jî diyar kir ku ev lûtke nîşan dide ku Ukrayna ji aliyê çandî ve girêdayî NATO ye.
Zelensky bi peyamên germ divegere Kîevê
Hin destkeftiyên berbiçav jî hebûn.
Tesbîtkirina pêvajoya serlêdana endamtiya NATOyê, damezrandina konseyeke hevbeş a destûrê dide Kîevê ku endamên NATOyê vexwîne civînekê.
Lîderên G7 herwiha teqez kirin ku wan li ser piştevaniya leşkerî û aborî ya bo Ukraynayê lihev kirine.
Zelensky ji bo vê garantiya ewlehiyê gotina “serkeftineke girîng a ewlehiyê” bi kar anî.
