Hevserokatiya Konseya Rêveber a KCK’ê derbarê mikur hatinên sîxûrê dewleta Tirk a dagirker Yûnûs Toptaş ku beriya niha li Başûrê Kurdistanê hatibû girtin daxuyaniyek da.
KCK’ê diyar kir di encama parvekirina agahî û cihên ku Toptaş û hevkarên din dane, bi dehan gerîla û welatparêz hatine şehîdxistin.
Li dijî siyaset û polîtikayên şerê taybet yê dewleta Tirk KCK’ê her kes hişyar kir û bang kir ku li dijî xayin û hevkarên wan helwesteke hişk nîşan bidin.
Beriya niha hatibû ragihandin ku yek ji sîxûrê dewleta Tirk a dagirker Yûnûs Toptaş li Başûrê Kurdistanê ji aliyê hêzên Tevgera Azadiyê ve hate girtin.
Hevserokatiya Konseya Rêveber a KCK’ê derbarê sîxûrê dewleta Tirk Yûnûs Toptaş û mikurhatinên wî daxuyaniyek da.
KCK: Dewleta Tirk a ku bi şer nekarî, hewl dide bi tora sîxûran derbe li gerîla bide
Di destpêka daxuyaniyê de KCK bal kişande ser polîtîkaya îmha û qirkirinê ya dewleta Tirk ku li her qadê dijî gelê Kurd dimeşîne û got:
Dewleta Tirk şerê qirêj ê li Kurdistanê meşandî, konsepta ji rê derxistina civakê, çekên kîmyewî yên li hemberî gerîla bi kar tîne bes nedît, têkildarî vê yekê binket û hewl dide bi kesên bûne sîxûr û çeteyan derbe li gerîla bide.
KCK: Yûnûs Toptaş kesayetiyeke hema hema her roj bi dijmin re jiyaye
KCK’ê diyar kir yek ji van sîxûran jî Yunus Toptaşê yê Êlihê.
Yusuf Toptaş ev demeke dirêj e ji aliyê dewletê ve hatiye xistin.
Kesayetiyeke hema hema her roj bi dijmin re jiyaye, gotina her tiştê dewletê, kontra û elemanên şerên taybet pêk aniye.
Ev sîxûrê ku ji bo ajo û jiyana xwe ya takekesî, ji hişmendiya gel û neteweyî dûr, bûye sedem ku gerîla windahiyan bide.
Di encama parvekirina agahîyên ku toptaş dane de bi dehan gerîla û welatparêz şehîd bûne
Di dewamê de KCK’ê têkildarî mikurtinên sîxûrê dewleta Tirk a dagirker Yunus Toptaş ev agahî dan:
Di encama parvekirina agahî û cihên ku wî û hevkarên din dane de, bi dehan gerîla û welatparêz hatine şehîdxistin.
Ev kesê sîxûr, xizmê şehîd Ramazan Toptaş (Sari Îbrahîm) e. Rasiyeke trajîk a dîroka me ye ku hevrêyê me Sari Îbrahîm ji aliyê sîxûran ve hatiye qetilkirin.
Ji ber ku ji malbateke welatparêz e, weke welatparêzekî tê naskirin û xizmê şehîdan e, şebekeyên têkiliyên gelek rehettir ava kiriye.
“Bi piştgiriya PDK’ê MÎT’a Tirk li deriyê sînor yê Sêmalka sîstema rû naskirinê bi cih kiriye”
Her wiha Toptaş di mikur hatinên xwe de qalahevkarî û piştevaniya PDK ya bi saziya îstîxbarata MÎT’a Tirk jî dike.
Di daxuyaniya xwe de KCK wiha vê yekê vedibêje:
Her wiha ji aliyê Yûnûs Toptaş ve hat piştrastkirin ku di avahiya kontrolê ya di navbera herdu aliyên deriyê sînor ê Sêmêlka Rojava û Başûr de îstixbarata Tirkiyê bi piştevaniya PDK’ê sîstema rû naskirinê bi cih kiriye û hemû ketin û derketin kontrol dikin,
KCK: Li dijî xayîn û hevkarên sîxûr helwesteke hişk nîşan bidin
Hevserokatiya Konseya Rêveber a KCK’ê li dijî siyaset û polîtikayên şerê taybet yê dewleta Tirk her kes hişyar kir û di dawiyê de ev bang kir:
Em bang li gelê xwe û bi taybet malbatên şehîdan dikin ku, li dijî xayinan, hevkarên ku ketine xwîna gerîla û nokeran helwesteke hişk nîşan bidin û di nava xwe de nehewînin.
